Nifty IT: ఐటీ కంపెనీల ఫలితాలతో దూసుకెళ్లిన నిఫ్టీ ఐటీ ఇండెక్స్..

గురువారం టాటా కన్సల్టెన్సీ సర్వీసెస్, ఇన్ఫోసిస్ ప్రకటించిన ఫలితాల తర్వాత శుక్రవారం ఉదయం ట్రేడింగ్‌లో నిఫ్టీ ఐటీ ఇండెక్స్ 4% కంటే ఎక్కువ పెరిగింది. నిఫ్టీ ఐటి ఇండెక్స్ కూడా 52 వారాల గరిష్ట స్థాయికి చేరుకుంది. ఇన్ఫోసిస్ దాని షేరు ధర దాదాపు 7 శాతం పెరిగింది. టీసీఎస్ షేర్ ధర 3 శాతం కంటే ఎక్కువ పెరిగింది. హెచ్ సీఎల్ టెక్ 2 శాతం కంటే ఎక్కువగా లాభపడింది. డిసెంబర్ త్రైమాసికంలో ఐటీ కంపెనీల అంచనాలు తగ్గుముఖం పట్టాయి. బలహీనమైన డిమాండ్ వాతావరణం వారి ఆదాయాలపై ప్రభావం చూపుతుందని అంచనా వేశారు.

అయినప్పటికీ ఇన్ఫోసిస్, టీసీఎస్ ఫలితాలు విశ్లేషకుల అంచనాల కంటే మెరుగ్గా ఉన్నాయి. ఇన్ఫోసిస్ రూ.6,106 కోట్ల ఏకీకృత నికర లాభాన్ని నివేదించింది. క్రితం ఏడాది కాలంలోని రూ.6,586 కోట్ల నుంచి 7 శాతం క్షీణించింది. దాని ఏకీకృత ఆదాయం గత ఏడాది ఇదే కాలంలో రూ.38,318 కోట్లతో పోలిస్తే కేవలం 1.3 శాతం వృద్ధి చెందింది. ఇన్ఫోసిస్ నికర లాభం అంచనాల కంటే మెరుగ్గా ఉందని విశ్లేషకులు చెప్పారు. టీసీఎస్ ఆదాయం $7.3bn, వరుసగా 0.9% కూడా ఎక్కువగా జెఫరీస్ అంచనాలకు అనుగుణంగా వచ్చింది. 25% వద్ద EBIT మార్జిన్, వరుసగా 70bps పెరిగింది.

శుక్రవారం హెచ్సీఎల్ టెక్, విప్రో కూడా తమ త్రైమాసిక ఫలితాలు విడుదల చేయనుంది. వీటి ఫలితాలు కూడా బాగానే వస్తే నిఫ్టీ ఐటీ ఇండెక్స్ మరింత పెరుగుదల నమోదు అయ్యే అవకాశం ఉంది. ఇన్ఫర్మేషన్ టెక్నాలజీ స్టాక్ 3-7 శాతం ఎగబాకడంతో నిఫ్టీ మొత్తం లాభాలకు దాదాపు 150 పాయింట్లు దోహదపడ్డాయి. అలాగే నిఫ్టీ ఐటీ ఇండెక్స్ కూడా 4.75 శాతం పెరిగి 36,386.00 పాయింట్లకు చేరుకుంది.