Uniform Charging Port: ఇక నుంచి అన్ని ఫోన్లకు ఒకే రకం ఛార్జర్లు..!

అప్పట్లో భారత్ లో ఎక్కువగా నోకియా ఫోన్లు వాడేవారు. అప్పుడు ఛార్జర్లు ఒక రకంగా ఉండేవి. ఆ తర్వాత నోకియా ఛార్జర్ ను మార్చింది. సామ్ సాంగ్ స్మార్ట్ ఫోన్ ఎంట్రీతో ఛార్జర్ మళ్లీ మారింది. ఇక యాపిల్ ఫోన్ ఛార్జరు కూడా డిఫెరెంట్ గా ఉంటుంది. తాజాగా ఇప్పుడు సీ టైపా ఛార్జర్లు వస్తున్నాయి. దీంతో మనం అనుకోకుండా ఎక్కడికైనా వెళ్తే అక్క మన ఫోన్ సరిపోయే ఛార్జర్ దొరకడం లేదు. దీంతో అడప్టర్ కొనాల్సి వచ్చేది. అయితే ప్రతి కంపెనీ చార్జర్ ఒకే విధంగా ఉంటే ఎలాగుటుంది. చాలా బాగుటుంది.

యూనిఫాం ఛార్జింగ్ పోర్ట్
ఇప్పుడు అదే దిశగా మొబైల్ పరిశ్రమ పయణిస్తుంది. యూనిఫాం ఛార్జింగ్ పోర్ట్ (యుఎస్‌బి టైప్ సి)ని తయారు చేయడానికి స్మార్ట్‌ఫోన్ కంపెనీలు, పరిశ్రమ సంస్థలు సన్నాహాలు చేసినట్లు వినియోగదారుల వ్యవహారాల మంత్రిత్వ శాఖ బుధవారం (నవంబర్ 16) తెలియజేసింది. స్మార్ట్‌ఫోన్ కంపెనీలు, పరిశ్రమల శాఖతో మంత్రిత్వ శాఖ సమావేశంలో దీనికి సంబంధించి నిర్ణయం తీసుకుంది, ఇది వినియోగదారులకు నేరుగా ప్రయోజనం చేకూరుస్తుంది.

అన్ని పరికరాలకు ఒకే రకమైన ఛార్జర్‌ని ఇవ్వడం వల్ల వినియోగదారులు సౌకర్యంగా ఉంటుంది. స్మార్ట్‌ఫోన్‌లు, బ్లూటూత్ ఇయర్‌బడ్‌లు, బ్లూటూత్ హెడ్‌ఫోన్‌లు లేదా పవర్ బ్యాంక్‌లతో సహా టాబ్లెట్‌లు వంటి మరిన్ని పరికరాలను కలిగి ఉన్న వినియోగదారులు ఈ పరికరాలను ఛార్జ్ చేయడానికి వివిద రకాల ఛార్జర్‌లను తమ వద్ద ఉంచుకోవాల్సి వచ్చేది. వినియోగదారులకు సమస్యలను దృష్టిలో ఉంచుకుని స్మార్ట్‌ఫోన్ తయారీ కంపెనీలు ఈ కొత్త నిబంధనను ఒకే రకం ఛార్జర్ తయారు చేయాల్సి ఉంటుంది.