కొనసాగుతున్న టెక్ తొలగింపులు.. ఒకేసారి వేల మంది ఇంటికి..

టెక్ తొలగింపుల పరంపర కొనాగుతునే ఉంది. గత నెల మార్చిలో చూస్తే కనీసం 21 కంపెనీలు 8,834 మంది ఉద్యోగులను తొలగించాయని రియల్ టైం ట్రాక్ చేసే layoffs.fyi పోర్టల్ తెలిపింది. అలాగే ఫిబ్రవరితో పోలిస్తే మార్చిలో తొలగింపులు కాస్త తగ్గాయి, ఇంకా 46 కంపెనీలు కూడా 15,994 ఉద్యోగాలను తొలగించాయి, ఈ లెక్కన 2025లో ఇప్పటివరకు జరిగిన అత్యధిక తొలగింపులు. జరిగాయి. ఉద్యోగుల తొలగింపుతో సంబంధం లేకుండా ప్రపంచవ్యాప్తంగా టెక్ రంగం ఎలా అతలాకుతం జరుగుతుందో ఈ ట్రెండ్ సూచిస్తుంది. అంతెందుకు మార్చిలో ఉద్యోగులను తొలగించిన పేర్లలో హ్యూలెట్ ప్యాకర్డ్ ఎంటర్‌ప్రైజ్, నార్త్‌వోల్ట్, బ్లాక్, ఓలా ఎలక్ట్రిక్ అండ్ నియాంటిక్ కూడా ఉన్నాయి.

ఓలా ఉద్యోగాల కోత:ఈ నెల ప్రారంభంలో బెంగళూరుకు చెందిన ఎలక్ట్రిక్ వాహన సంస్థ ఓలా 1,000 మందికి పైగా ఉద్యోగులను ఇంకా కాంట్రాక్ట్ కార్మికులను తొలగించాలని యోచిస్తున్నట్లు వార్తలు వచ్చాయి. పెరుగుతున్న నష్టాలను అరికట్టే ప్రయత్నంలో కంపెనీలు ఈ తొలగింపులను చేపడుతోంది. ఇంకా నివేదికల ప్రకారం ఉద్యోగాల కోతలు, కస్టమర్ సంబంధాలు, అండ్ మౌలిక సదుపాయాలు వంటి వివిధ విభాగాలపై ఈ ప్రభావంచూపనున్నాయి. ఐదు నెలల్లోపు కంపెనీకి ఇది రెండవ రౌండ్ తొలగింపులు అని సమాచారం. నవంబర్ 2024లో కంపెనీ దాదాపు 500 మంది ఉద్యోగులకు పింక్ స్లిప్ ఇచ్చిన సంగతి తెలిసిందే.

HP అండ్ నార్త్‌వోల్ట్‌ల భారీ తొలగింపులు: గత నెల మార్చిలోహ్యూలెట్ ప్యాకర్డ్ ఎంటర్‌ప్రైజ్ కంపెనీ ఉద్యోగులలో దాదాపు 5 శాతం మందిని అంటే 2,500 మంది ఉద్యోగులను తొలగించే ప్లాన్ ప్రకటించింది. సర్వర్ వ్యాపారంలో తగ్గుతున్న మార్జిన్‌లను రీప్లేస్ చేయడానికి ఈ తొలగింపులను అమలు చేస్తున్నట్లు టెక్ దిగ్గజం ప్రకటించింది. మార్చి 6న ట్రేడింగ్‌లో కంపెనీ వాటా 19 శాతం పడిపోయింది. ఉద్యోగుల తొలగింపులతో ఖర్చు తగ్గింపు ప్లాన్ రాబోయే 18 నెలల్లో అమలు చేస్తుందని, 2027 ఆర్థిక సంవత్సరం నాటికి $350 మిలియన్ల గ్రాస్ సేవింగ్స్ దారితీస్తుందని కంపెనీ తెలిపింది. అక్టోబర్ 2024 నాటికి కంపెనీ ఇటీవలి వార్షిక నివేదిక ఆధారంగా దాదాపు 61,000 మందిని నియమించుకుంది.

స్వీడిష్ బ్యాటరీ తయారీ సంస్థ నార్త్‌వోల్ట్ కూడా దివాలా కోసం పిటిషన్ చేసిన తర్వాత ఉద్యోగులలో సగానికి పైగా ఉద్యోగాలను తొలగించినట్లు సమాచారం. నివేదిక ప్రకారం, కంపెనీ స్వీడన్‌లో 4,500 మంది ఉద్యోగులలో 2,800 మందిని తొలగించింది. ఇంకా కంపెనీ ప్రస్తుతానికి 1,200 మంది ఉద్యోగులను నిలుపుకుంటుందని సమాచారం. మరోవైపు, ట్విట్టర్ మాజీ సీఈఓ జాక్ డోర్సేకి చెందిన ఫిన్‌టెక్ సంస్థ బ్లాక్ 931 మంది ఉద్యోగులను తొలగించినట్లు సమాచారం. పర్ఫార్మెన్న్ ఆధారిత రికాన్స్ట్రక్షన్ దీనికి ప్రధాన కారణమని కంపెనీ పేర్కొంది. టిక్‌టాక్ ప్రెంట్ సంస్థ బైట్‌డాన్స్ విస్తృత పునర్నిర్మాణ ప్రయత్నాలలో భాగంగా డబ్లిన్ ప్రోగ్రాం నుండి 300 ఉద్యోగాలను కూడా తగ్గించింది.