Sula Vineyards: 7 శాతం పడిపోయిన సులా వైన్యార్డ్స్ షేర్లు..!

కౌంటర్‌లో రూ. 676.6 కోట్ల విలువైన బ్లాక్ డీల్ జరిగిన తర్వాత ఫిబ్రవరి 19న ప్రారంభ ట్రేడింగ్‌లో సులా వైన్యార్డ్స్ షేర్లు 7 శాతం క్షీణించాయి. ఉదయం 09.45 గంటలకు ఎన్‌ఎస్‌ఈలో సుల వైన్యార్డ్స్ షేర్లు రూ.575 వద్ద ట్రేడవుతున్నాయి.వైన్‌మేకర్ సులా వైన్యార్డ్స్‌లో 13.76 శాతం వాటా అంటే దాదాపు 1.16 కోట్ల షేర్లు బ్లాక్ డీల్ ద్వారా ఒక్కొక్కటి రూ. 579 చొప్పున చేతులు మారాయి.

లావాదేవీలో పాల్గొన్న కొనుగోలుదారులు, అమ్మకందారులను ఎవరో తెలియరాలేదు. మేము ఫిబ్రవరి 16న బెల్జియన్ ఇన్వెస్ట్‌మెంట్ హోల్డింగ్ సంస్థ వెర్లిన్‌వెస్ట్ ఆసియా పీటీఈ పూర్తిగా నిష్క్రమించాలని యోచిస్తున్నట్లు తెలిసింది. ఆ కంపెనీ షేర్లు విక్రయించినట్లుగా తెలుస్తోంది. వెర్లిన్‌వెస్ట్ ఆసియా పీటీఈ తాజా షేర్ హోల్డింగ్ డేటా ప్రకారం వైన్‌మేకర్‌లో 8.34 శాతం వాటాను కలిగి ఉంది.

ఈ డీల్ ఒక్కో షేరుకు రూ. 570 ఫ్లోర్ ప్రైస్‌తో జరిగినట్లు తెలుస్తోంది. దీని ద్వారా వెర్లిన్‌వెస్ట్‌కు దాదాపు 52 మిలియన్ డాలర్లు వచ్చాయి. వైన్‌మేకర్ డిసెంబర్ 2022లో మార్కెట్‌లోకి ప్రవేశించింది. దాని ప్రారంభ పబ్లిక్ ఆఫర్ పూర్తిగా ఆఫర్-ఫర్-సేల్ చేశారు. పబ్లిక్ ఆఫర్‌లో వాటాను కైవసం చేసుకుని వైన్ కంపెనీపై ఆసక్తి చూపిన ప్రారంభ పెట్టుబడిదారులలో వెర్లిన్‌వెస్ట్ కూడా ఉంది.

పెట్టుబడి సంస్థ 2010లో సులా వైన్‌యార్డ్స్‌లో మైనారిటీ వాటాను తొలిసారిగా కైవసం చేసుకుంది. 513 కోట్ల రూపాయల విలువైన బ్లాక్ డీల్‌లో 12.56 శాతం హోల్డింగ్‌ను ఆఫ్‌లోడ్ చేస్తూ, వెర్లిన్‌వెస్ట్ గతంలో ఆగస్టు 2023లో వైన్‌మేకర్‌లో తన వాటాను కూడా తగ్గించుకుంది.