Success Story: మెక్‌డొనాల్డ్స్‌లో హౌస్ కీపర్‌ స్థాయి నుంచి.. కోట్ల సొంత వ్యాపారం చేస్తున్న 25 ఏళ్ల కుర్రాడు..

MBA Chaiwala: మీపై మీకు నమ్మకం ఉంటే చాలు.. మీరు అనుకున్నది సాధించవచ్చు. ఇక్కడ ఎటువంటి పరిమితులు లేవు. MBA చాయ్ వాలా యజమాని ప్రఫుల్ బిల్లోర్ తన కలలను సాకారం చేసుకోవాలని నిశ్చయించుకుని విజయం సాధించాడు. అతను ఇప్పుడు ఉన్న స్థితికి చేరుకోవడానికి అనేక సవాళ్లను అధిగమించాడు. అతని విజయగాథ నేటి తరానికి ప్రోత్సాహకరంగా ఉంటుంది. ఇతని సక్సెస్ స్టోరీని ఇప్పుడు తెలుసుకుందాం..

చదువులో సవాళ్లు..

మధ్యప్రదేశ్‌లోని ఇండోర్‌లోని ధార్ జిల్లాలో జనవరి 14, 1996న జన్మించిన ప్రఫుల్, తన సొంత వ్యాపారాన్ని ప్రారంభించే ముందు ఐఐఎం అహ్మదాబాద్ నుంచి మాస్టర్స్ డిగ్రీని పొందాలని అనుకున్నాడు. మంచి MBA ప్రోగ్రామ్‌లో చేరేందుకు తప్పనిసరిగా CAT పరీక్షలో మంచి ర్యాంక్ అవసరం. ఇందుకోసం ప్రఫుల్ రోజుకు 10 గంటలకు పైగా చదివాడు. కానీ.. దురదృష్టవశాత్తు CAT పరీక్షలో మూడు ప్రయత్నాల్లోనూ విఫలమయ్యాడు. తల్లిదండ్రులు అతనికి మద్దతునిస్తూనే ఉన్నప్పటికీ.. డిప్రెషన్‌కు గురైన ప్రఫుల్‌ దేనిపైనా దృష్టి పెట్టలేకపోయాడు.

కల నాశనం కావటంతో.. హౌస్ కీపర్‌గా

తాను అనుకున్న విధంగా MBA చదవలేకపోవటంతో.. చివరగా మెక్‌డొనాల్డ్స్‌లో ఉద్యోగంలో స్థిరపడ్డాడు. అతను హౌస్ కీపర్‌గా తన వృత్తిని ప్రారంభించాడు. అతను త్వరగా వంటగది సిబ్బంది స్థాయికి పదోన్నతి పొందాడు. ఆర్డర్లు తీసుకోవడం, కస్టమర్లకు సేవలు అందించటం ప్రారంభించాడు. తనంతట తాను ఇంకా సాధించాలని భావించి.. ఒక కేఫ్ తెరవాలనుకున్నాడు. అందుకు అవసరమైన నిధులు లేకపోవడంతో ఆ ఆలోచనను వదులుకున్నాడు.

తండ్రి ఏమంటారో అని భయంతో..

చాలా తర్జనభర్జనల తర్వాత రోడ్డు పక్కన టీ స్టాల్ తెరవాలని ప్రఫుల్ నిర్ణయించుకున్నాడు. ఇది అతనికి ప్రమాదం కలిగించినప్పటికీ.. అతను తన ఆశయాలను కొనసాగించాలనుకున్నాడు. తక్కువ-తరగతి లేదా తక్కువ-చదువుకున్న వ్యక్తులు ఇలాంటి వ్యాపారాలు చేస్తారని అందరూ భావిస్తుంటారు. తండ్రి ఏమనుకుంటాడో అన్నదే ప్రఫుల్‌కు ఆందోళన.

ఎంబీఏ చాయ్ వాలా ప్రారంభం..

దీని ఫలితంగా అతను అనేక నిద్రలేని రాత్రులను గడిపాడు. ధైర్యం చేసి మెక్‌డొనాల్డ్స్ దగ్గర టీ స్టాలర్‌గా తన మొదటి వ్యాపారాన్ని ప్రారంభించాడు. జూలై 25, 2017న, అతను కేవలం INR 8,000 పెట్టుబడితో తన సంస్థను ప్రారంభించాడు. మెక్‌డొనాల్డ్స్‌లో ఉదయం 9 గంటల నుంచి సాయంత్రం 4 గంటల వరకు పనిచేసిన తర్వాత సాయంత్రం టీ స్టాల్ నడిపేవాడు.

క్లిక్ కావటంతో..

అతని కస్టమర్ బేస్ పెరగడంతో పక్కనే ఉన్న టీ స్టాల్ విక్రేతలు అతని విజయాన్ని చూసి అసూయపడ్డారు. వారు యూనియన్‌గా ఏర్పడి ప్రఫుల్‌ను ఆ ప్రాంతం నుంచి షాప్ తీయించివేశారు. దీని ఫలితంగా విజయం సాధించగలగడంలో ప్రఫుల్ నమ్మకం మరింత పెరిగింది. ప్రఫుల్ కొత్త టీ స్టాల్‌ని ఏర్పాటు చేసి, 10,000 రూపాయలతో తన వ్యాపారాన్ని పునఃప్రారంభించాడు.

మొదటి రెస్టారెంట్..

ప్రఫుల్ బిల్లోర్ చాలా కాలం తర్వాత తన సొంత రెస్టారెంట్ MBA చాయ్‌వాలాను ప్రారంభించాడు. MBA అంటే 'Mr. బిల్లోర్ అహ్మదాబాద్ చాయ్‌వాలా అని అర్థం. కొన్ని నెలల్లోనే అతని కంపెనీ నెలకు మిలియన్ డాలర్లను సంపాదించటం ప్రారంభించింది. ప్రఫుల్ బిల్లోర్ వ్యక్తిగత వెబ్‌సైట్‌ను కూడా నిర్వహిస్తున్నారు. ఇతను ముఖ్యంగా IIM అహ్మదాబాద్‌లోని MBA విద్యార్థులలో సుపరిచితుడు. సోషల్ మీడియా ప్లాట్‌ఫారమ్‌లలో వైరల్ కావటంతో అంతర్జాతీయ ప్రాముఖ్యతను పొందాడు.

కోట్లలో ఆదాయం..

2019-20 ఆర్థిక సంవత్సరంలో రూ.3 కోట్ల ఆదాయం వచ్చింది. దేశంలో ప్రతి ఒక్కరూ తన టీ తాగేలా చేయటం తన కల అని అతడు అంటున్నాడు. పట్టువదలక ముందుకు సాగితే ఏదైనా సాధించవచ్చని ప్రఫుల్ అనుభవం మనకు బోధిస్తుంది. తెలియని భయాన్ని ఎదుర్కొనే ధైర్యం అవసరం.