Stock Market: లాభాల్లో ముగిసిన స్టాక్ మార్కెట్లు.. రాణించిన బ్యాంక్ స్టాక్స్..

మంగళవారం స్టాక్ మార్కెట్లు లాభాల్లో ముగిశాయి. బీఎస్ఈ సెన్సెక్స్ 349 పాయింట్లు పెరిగి 73,057 వద్ద ముగిసింది. ఎన్ఎస్ఈ నిఫ్టీ 74 పాయింట్లు పెరిగి 22,196 పాయింట్ల వద్ద స్థిరపడింది. బీఎస్ఈ 30 ఇండెక్స్ లో పవర్ గ్రిడ్, హెచ్డీఎఫ్సీ బ్యాంక్, యాక్సిస్ బ్యాంక్, కొటాక్ మహీంద్రా బ్యాంక్, ఇండస్ ఇండ్ బ్యాంక్, నెస్లే ఇండియా, టెక్ మహీంద్రా, బజాజ్ ఫైనాన్స్, హిందుస్థాన్ యూనిలివర్, ఏసియన్ పెయింట్స్, ఎల్అండ్ టీ, అల్ట్రాటెక్ సిమెంట్, ఐసీఐసీఐ బ్యాంక్, భారతీ ఎయిర్ టెల్, సన్ ఫార్మా, ఎస్బీఐఎన్, ఎంఅండ్ఎం లాభాల్లో ముగిశాయి.

టైటాన్, రిలయన్స్, టాటా స్టీల్, టాటా మోటార్స్, విప్రో, ఇన్ఫోసిస్, ఐటీసీ, మారుతి, బజాజ్ ఫిన్ సర్వ్, హెచ్ సీఎల్ టెక్, జేఎస్ డబ్ల్యూ స్టీల్, టీసీఎస్ నష్టాల్లో ముగిశాయి. నిఫ్టీలో పవర్ గ్రిడ్ కార్పొరేషన్, హెచ్‌డిఎఫ్‌సి బ్యాంక్, యాక్సిస్ బ్యాంక్, ఎన్‌టిపిసి, కోటక్ మహీంద్రా బ్యాంక్ అత్యధికంగా లాభపడ్డాయి. హీరో మోటోకార్ప్, కోల్ ఇండియా, బజాజ్ ఆటో, ఐషర్ మోటార్స్, టిసిఎస్ నష్టపోయాయి.

సెక్టోరల్‌లో బ్యాంక్, మీడియా, పవర్ మరియు రియాల్టీ 0.8-2 శాతం చొప్పున పుంజుకోగా, ఆటో, ఐటీ, మెటల్ దాదాపు ఒక శాతం క్షీణించాయి. బీఎస్‌ఈ మిడ్‌క్యాప్‌, స్మాల్‌క్యాప్‌ సూచీలు స్వల్ప నష్టాలతో ముగిశాయి. సానుకూల దేశీయ మార్కెట్లు, డాలర్ ఇన్‌ఫ్లోల కారణంగా మంగళవారం భారత రూపాయి 0.07% పెరిగింది. అయితే, US డాలర్‌లో సానుకూల టోన్, పెరుగుతున్న ముడి చమురు ధరలు పదునైన లాభాలను తగ్గించాయి.

బలమైన డాలర్ ఉన్నప్పటికీ బంగారం ధరలుమంగళవారం పెరిగాయి. సన్ ఫార్మాస్యూటికల్ ఇండస్ట్రీస్ సర్జిమాటిక్స్, ఇంక్.తో ఒప్పందం కుదుర్చుకుంది. దీని ప్రకారం సన్ ఫార్మా సర్జిమాటిక్స్, ఇంక్ 16.33 % షేర్లను కొనుగోలు చేయడానికి అంగీకరించింది.