Stock Market End: లాభాల్లో ముగిసిన స్టాక్ మార్కెట్లు..

వారంతంలో స్టాక్ మార్కెట్లు(Stock Market) లాభాల్లో ముగిశాయి. బీఎస్ఈ సెన్సెక్స్ 282 పాయింట్లు పెరిగి 64,363 వద్ద ముగిసింది. ఎన్ఎస్ఈ నిఫ్టీ 97 పాయింట్లు వృద్ధి చెంది 19,230 వద్ద స్థిరపడింది. ముడి చమురు అధిక అస్థిరతను చవిచూడడంతో US డాలర్ ఇండెక్స్, బాండ్ ఈల్డ్‌లు రెండింటిలో లాభాలను పరిమితం చేయడంతో అంతర్జాతీయ మార్కెట్లు కోలుకున్నాయి. US ఫెడ్ నుంచి ఎలాంటి కామెంట్స్ రాకపోయేసరికి డాలర్ ఇండెక్స్, U.S. 10-సంవత్సరాల బాండ్ ఈల్డ్‌లను తగ్గాయి. డాలర్ ఇండెక్స్ 106 మార్కుల దిగువకు పడిపోయింది. U.S. 10-సంవత్సరాల బాండ్ ఈల్డ్‌లు కూడా 4.70% దిగువకు పడిపోయాయి. మరోవైపు బ్యాంక్ ఆఫ్ ఇంగ్లండ్ కూడా వడ్డీ రేట్లను మార్చలేదు.

బీఎస్ఈ 30 ఇండెక్స్ లో టైటాన్, టెక్ మహీంద్రా, టాటా మోటర్స్, జేఎస్ డబ్ల్యూ స్టీల్, ఐసీఐసీఐ బ్యాంకు, ఇన్ఫోసిస్, ఎస్బీఐఎన్, సన్ ఫార్మా, ఏసియన్ పెయింట్స్, భారతీ ఎయిర్ టెల్, యాక్సిస్ బ్యాంకు, హెచ్ డీఎఫ్ సీ బ్యాంక్, అల్ట్రాటెక్ సిమెంట్, హిందుస్థాన్ యూనిలివర్, ఐటీసీ, పవర్ గ్రిడ్, విప్రో లాభాల్లో ముగిశాయి. ఎంఅండ్ఎం, రిలయన్స్, ఎల్అండ్ టీ, మారుతి, కొటక్ మహీంద్రా బ్యాంకు, టీసీఎస్, ఎన్టీపీసీ, హెచ్ సీఎల్ టెక్, టాటా స్టీల్, బజాజ్ ఫైనాన్స్, నెస్లే ఇండియా, ఇండస్ ఇండ్ బ్యాంక్, బజాజ్ ఫిన్ సర్వ్ నష్టాల్లో స్థిరపడ్డాయి.

సెప్టెంబరు త్రైమాసికంలో జొమాటో వరుసగా రెండవ త్రైమాసిక నికర లాభం రూ. 36 కోట్ల వద్ద నమోదు చేసింది. అదే సమయంలో ఆదాయం 71 శాతం పెరిగి రూ. 2,848 కోట్లకు చేరుకుంది. ప్రస్తుతం విస్తృత ఇ-కామర్స్ రంగం అధిక ద్రవ్యోల్బణం,మ్యూట్ డిమాండ్ ఒత్తిడితో కొట్టుమిట్టాడుతోంది. గత ఏడాది ఇదే త్రైమాసికంలో, జొమాటో రూ. 302 కోట్ల నికర నష్టాన్ని నమోదు చేయగా, దాని ఆదాయాలు రూ. 1,661 కోట్లుగా ఉన్నాయి. శుక్రవారం జొమాటో 9 శాతానికిపైగా పెరిగి రూ.117 లకు చేరుకుంది.

రిలయన్స్ రిటైల్ వెంచర్స్ లిమిటెడ్ పూర్తి యాజమాన్యంలోని అనుబంధ సంస్థ అయిన రిలయన్స్ బ్యూటీ & పర్సనల్ కేర్ లిమిటెడ్‌తో అరవింద్ ఫ్యాషన్స్ షేర్ కొనుగోలు ఒప్పందం (SPA) కుదుర్చుకుంది. దీంతో అర్వింద్ ఫ్యాషన్ షేరు ప్రైస్ 7 శాతం పెరిగి రూ.348 చేరింది. నవిన్ ఫ్లోరిన్ ఇంటర్నేషనల్ లిమిటెడ్ (NFIL) Q2FY24 కోసం HPP, స్పెషాలిటీ కెమికల్ ప్లాంట్ షట్‌డౌన్ ఉత్పత్తిని ప్రభావితం చేయడంతో అన్ని రంగాలలో అంచనాలను కోల్పోయింది. కంపెనీ రూ. 520 కోట్ల అంచనాకు వ్యతిరేకంగా రూ. 472 కోట్ల ఆదాయాన్ని నివేదించింది.