Stock Market: లాభాల్లో ప్రారంభమైన స్టాక్ మార్కెట్లు..

శుక్రవారం స్టాక్ మార్కెట్లు లాభాల్లో ప్రారంభమయ్యాయి. ఉదయం 9 గంటల 45 నిమిషాలకు బీఎస్ఈ సెన్సెక్స్ 347 పాయింట్లు పెరిగి72,068 వద్ద ట్రేడవుతోంది. ఎన్ఎస్ఈ నిఫ్టీ 96 పాయింట్లు పెరిగి 21,741 వద్ద కొనసాగుతోంది. బీఎస్ఈ 30 ఇండెక్స్ లో ఇన్ఫోసిస్, టెక్ మహీంద్రా, విప్రో, టీసీఎస్, హెచ్ సీఎల్, జేఎస్ డబ్ల్యూ స్టీల్, ఎస్బీఐఎన్, ఐసీఐసీఐ బ్యాంక్, టాటా స్టీల్, ఎల్అండ్ టీ, ఇండస్ ఇండ్, హెచ్డీఎఫ్సీ బ్యాంక్ లాభాల్లో కొనసాగుతోన్నాయి.

ఎన్టీపీసీ, టాటా మోటర్స్, మారుతీ, ఐటీసీ, యాక్సిస్ బ్యాంక్, బజాజ్ ఫైనాన్స్, భారతీ ఎయిర్ టెల్, సన్ ఫార్మా, రిలయన్స్, అల్ట్రాటెక్ సిమెంట్, హిందుస్థాన్ యూనిలివర్, పవర్ గ్రిడ్, బజాజ్ ఫిన్ సర్వ్, టైటాన్, నెస్లే ఇండియా, ఏసియన్ పెయింట్స్, ఎంఅండ్ఎం నష్టాల్లో కొనసాగుతోన్నాయి. ఇరాన్ ఆయిల్ ట్యాంకర్‌ను స్వాధీనం చేసుకోవడం, హౌతీ-నియంత్రిత ప్రాంతాలపై యుఎస్ వైమానిక దాడిని ప్రారంభించిన తర్వాత ముడిచమురు ధరలు అస్థిరంగా మారాయి.

ఈ గురువారం బంగారం, వెండి ధరలు తగ్గుముఖం పట్టాయి. బంగారం నాలుగు వారాల కనిష్టానికి చేరింది. వెండి రెండు నెలల కనిష్టానికి చేరుకుంది. యూఎస్ ద్రవ్యోల్బణ నివేదిక విడుదలైన తర్వాత క్షీణత ఏర్పడింది. టాటా కన్స్యూమర్ ప్రొడక్ట్స్ లిమిటెడ్ షేర్లు జనవరి 12న 2 శాతం పైగా లాభపడి రూ.1,146కి చేరి కొత్త 52 వారాల గరిష్ట స్థాయిని చేరాయి. ఇన్ఫోసిస్ నుంచి ఇన్‌లైన్ ఫలితాలు, TCS ఫలితాలు ఆశించిన దానికంటే మెరుగుగా రావడంతో ఐటీ స్టాక్ ల్లో పెరుగుదల నమోదు అయింది.

యూఎస్ CPI ద్రవ్యోల్బణం 3.4% YYYకి చేరుకోవడం ప్రపంచ ఈక్విటీ మార్కెట్ దృక్కోణం నుండి కొద్దిగా ప్రతికూలంగా ఉంది. ఈ ఏడాది మార్చిలో ఫెడ్ నుంచి ఆశించిన రేటు తగ్గింపు కార్యరూపం దాల్చకపోవచ్చు.