Smallcap Stocks: దూసుకెళ్తున్న స్మాల్ క్యాప్ స్టాక్స్.. ఎంత పెరిగాయంటే..

త్రైమాసిక ఆదాయాలు, రుతుపవనాలు, రంగాల్లో కొనుగోళ్లు, సానుకూల ప్రపంచ సంకేతాలు, ఎఫ్‌ఐఐలు చాలా కాలం తర్వాత కొనుగోలుకు మొగ్గు చూపడం, ముడి చమురు ధరలు తగ్గడం వంటి కారణాలతో జూలై 22తో ముగిసిన వారంలో భారతీయ ఈక్విటీ మార్కెట్లు సానుకూలంగా ముగిశాయి. అయితే, మార్కెట్ పార్టిసిపెంట్లు పడిపోతున్న రూపాయి, యూరోపియన్ సెంట్రల్ బ్యాంక్ (ECB) వడ్డీ రేట్ల పెంపును పట్టించుకోలేదు.

బీఎస్ఈ 4.29

వారంలో, BSE సెన్సెక్స్ 2,311.45 పాయింట్లు (4.29 శాతం) పెరిగి 56,072.23 వద్ద ముగియగా, నిఫ్టీ 50 670.3 పాయింట్లు (4.17 శాతం) లాభపడి 16,719.5 స్థాయిల వద్ద ముగిసింది. జూలైలో ఇప్పటివరకు, సెన్సెక్స్ , నిఫ్టీ 6 శాతం చొప్పున పెరిగాయి. ఎన్‌ఎస్‌ఈలో సెక్టోరల్ ఇండెక్స్‌లలో నిఫ్టీ పీఎస్‌యూ బ్యాంక్ 7.7 శాతం, నిఫ్టీ ఐటీ ఇండెక్స్ 6.3 శాతం, నిఫ్టీ బ్యాంక్ 6 శాతం, నిఫ్టీ మెటల్ ఇండెక్స్ 5.4 శాతం లాభపడ్డాయి. విస్తృత సూచీలలో - మిడ్‌క్యాప్, స్మాల్ క్యాప్, లార్జ్ క్యాప్ సూచీలు 3.5-4 శాతం పెరిగాయి.

ఎఫ్‌ఐఐల కొనుగోలు

గత వారంలో, విదేశీ సంస్థాగత ఇన్వెస్టర్లు (ఎఫ్‌ఐఐలు) రూ. 4,037.29 కోట్ల విలువైన ఈక్విటీలను కొనుగోలు చేయగా, దేశీయ సంస్థాగత ఇన్వెస్టర్లు (డీఐఐలు) రూ. 940.47 కోట్ల విలువైన షేర్లను కొనుగోలు చేయడంతో వారంలో ఎక్కువ భాగం నికర కొనుగోలుదారులుగా ఉన్నారు. అయితే, ఈ నెలలో ఇప్పటివరకు ఎఫ్‌ఐఐలు రూ.6,421.84 కోట్ల విలువైన ఈక్విటీలను విక్రయించగా, డీఐఐలు రూ.8,307.51 విలువైన షేర్లను కొనుగోలు చేశారు.

స్మాల్ క్యాప్ జోరు..

గడిచిన వారంలో, PTC ఇండస్ట్రీస్, నవ్‌కర్ కార్పొరేషన్, సండూర్ మాంగనీస్, ఐరన్ ఓర్స్, క్విక్ హీల్ టెక్నాలజీస్, బ్రైట్‌కామ్ గ్రూప్, ఇగరాషి మోటార్స్, ఏజిస్ లాజిస్టిక్స్, ఒమాక్స్, లాసా సూపర్‌జెనెరిక్స్, ఉర్జా గ్లోబల్‌లతో సహా 100 కంటే ఎక్కువ స్మాల్‌క్యాప్ స్టాక్‌లు 10-32 శాతం మధ్య పెరిగాయి. రెప్కో హోమ్ ఫైనాన్స్, అంజనీ పోర్ట్ ల్యాండ్ సిమెంట్, సింకామ్ ఫార్ములేషన్స్, AGI గ్రీన్‌ప్యాక్, అనంత్ రాజ్, హ్యాపీయెస్ట్ మైండ్స్ టెక్నాలజీస్ లాభపడ్డాయి.

గమనిక: ఇది కేవలం సమాచారం కోసం మాత్రమే. పెట్టుబడి పెట్టే ముందు నిపుణులను సంప్రదించగలరు.