Russia-Ukraine war: అమెరికా ఆంక్షల నేపథ్యంలో పుతిన్ క్రిప్టోను ఉపయోగిస్తారా?

ఉక్రెయిన్‌పై రష్యా యుద్ధం నేపథ్యంలో బ్యాంకులు, చమురు గ్యాస్ డెవలపర్లతో అమెరికన్లు వ్యాపారం చేయకుండా 2014లో యూఎస్ నిషేధం విధించిన సమయంలో రష్యా ఆర్థిక వ్యవస్థపై తీవ్ర ప్రభావం చూపింది. అప్పటి నుండి అంతర్జాతీయ క్రిప్టో కరెన్సీలకు డిమాండ్ పెరిగింది. తాజాగా ఉక్రెయిన్‌పై దాడికి దిగిన నేపథ్యంలో రష్యాపై అమెరికా మళ్లీ ఆంక్షలు విధించింది. రష్యా కంపెనీలతో ట్రాన్సాక్షన్స్‌కు ఆయా ప్రభుత్వాలు అనుమతించవు. బ్యాంకుల ద్వారా నగదు బదలీ సాధ్యం కాదు. ఈ ఆంక్షల ప్రభావాన్ని తప్పించుకోవడానికి రష్యా కంపెనీలు క్రిప్టో కరెన్సీ సాధనాలను వినియోగించే అవకాశముంది.

ప్రస్తుత క్లిష్ట పరిస్థితుల్లో క్రిప్టో కరెన్సీలు, డిజిటల్ కరెన్సీలు క్రెమ్లిన్‌కు ఆంక్షల నుండి దూరంగా ఉన్న పరిస్థితుల్లో శక్తిమంత సాధనాలుగా ఉపయోగపడవచ్చు. ఇప్పటికే రష్యా యుద్ధం నేపథ్యంలో అమెరికా, యూరోప్ దేశాలు అనేక ఆంక్షలు విధించాయి. మరిన్ని ఆంక్షలు ఉంటాయని గురువారం అమెరికా అధ్యక్షుడు జోబిడెన్ అన్నారు. ఈ ఆంక్షలు ఇతర దేశాలపై అత్యంత ప్రభావం చూపుతాయి.

ఇలాంటి పరిస్థితుల్లో నియంత్రణల పరిణామాలను అధిగమించేందుకు రష్యా క్రిప్టో కరెన్సీని ఉపయోగించవచ్చు. ఇది డిజిటల్ కరెన్సీ ద్వారా ప్రపంచవ్యాప్తంగా పనిచేసే వారితో ఒప్పందాలు చేసుకోవచ్చునని తెలుస్తోంది. 2014లో క్రిమియాను రష్యా ఆక్రమించిన తర్వాత బ్యాంకులు, చమురు, గ్యాస్ పైన అమెరికా ఆంక్షలు విధించిన నేపథ్యంలో రష్యా ఇప్పుడు క్రిప్టో వైపు చూడవచ్చు. అమెరికా ఆంక్షల పర్యావసనాలను అంచనా వేసేందుకు రష్యాకు సమయం ఉంది.