ఆల్ టైం హై..? విదేశీ మారకం నిల్వ రికార్డ్..

విదేశీ మారకం నిల్వలు రికార్డు స్థాయికి చేరుకున్నాయి. ఈ నెల 16తో ముగిసిన వారాంతానికి 835 మిలియన్‌ డాలర్లు పెరిగాయి. గరిష్ఠ స్థాయి 612.73 బిలియన్‌ డాలర్లకు చేరుకున్నాయని రిజర్వుబ్యాంక్‌ తాజాగా విడుదల చేసిన నివేదికలో వెల్లడించింది. అంతక్రితం వారంలో కూడా నిల్వలు 1.883 బిలియన్‌ డాలర్లు పెరుగడం విశేషం.

విదేశీ కరెన్సీ రూపంలో ఉన్న ఆస్తుల విలువ అంతకంతకు పెరుగుతుండటం వల్లే విదేశీ నిల్వలు ఆల్‌టైం హైకీ చేరుకుంటున్నాయని సెంట్రల్‌ బ్యాంక్‌ వెల్లడించింది. సమీక్ష కాలంలో విదేశీ కరెన్సీ రూపంలో ఉన్న ఆస్తుల విలువ 463 మిలియన్‌ డాలర్లు పెరిగి 568.748 బిలియన్‌ డాలర్లకు చేరుకున్నాయి. పసిడి రిజర్వ్ మరో 377 మిలియన్‌ డాలర్లు అధికమై 37.333 బిలియన్‌ డాలర్లకు చేరాయి.