Viral Video: 1997లో న్యూ ఇయర్ రిజల్యూషన్స్ చూస్తే నవ్వాపుకోలేరు! అప్పట్లో ఇంత క్రేజీగా ఉండేవా?

నేడు మనం 2026 కొత్త ఏడాదిలోకి అడుగుపెడుతున్నాం. అయితే కొత్త ఏడాదలోకి అడుగుపెడుతూ చాలామంది చాలా రకాల లక్ష్యాలను నిర్దేశించుకుంటుంటారు. వీటినే న్యూ ఇయర్ రిజల్యూషన్స్ అంటారు. అయితే సరిగ్గా 28 ఏళ్ల క్రితం.. అంటే 1997లో భారతీయుల న్యూ ఇయర్ రిజల్యూషన్స్ (New Year Resolutions) ఎలా ఉండేవో ఎప్పుడైనా ఆలోచించారా? అప్పట్లో సోషల్ మీడియా లేదు, స్మార్ట్‌ఫోన్లు లేవు.. కానీ మనుషుల మధ్య హాస్యం, అమాయకత్వం మాత్రం పుష్కలంగా ఉండేవి. ప్రస్తుతం ఇన్‌స్టాగ్రామ్‌లో 'The90sIndia' షేర్ చేసిన ఒక అరుదైన వీడియో ఇప్పుడు నెట్టింట సెన్సేషన్ సృష్టిస్తోంది.

శేఖర్ సుమన్ షోలో వెలుగులోకి వచ్చిన ఆసక్తికర విషయాలు

ఈ వీడియో 1997లో అత్యంత ప్రజాదరణ పొందిన 'మూవర్స్ అండ్ షేకర్స్' (Movers and Shakers) టాక్ షో లోనిది. నటుడు శేఖర్ సుమన్ సామాన్య ప్రజలను వారి కొత్త ఏడాది లక్ష్యాల గురించి అడిగినప్పుడు వచ్చిన సమాధానాలు ఇప్పటికీ మనల్ని నవ్విస్తాయి.

ఫన్నీ రిజల్యూషన్స్ ఇవే..

• డైట్ కష్టాలు: ఒక మహిళ తాను కొత్త ఏడాదిలో కఠినమైన డైట్ చేస్తానని, చాట్, స్వీట్లు అస్సలు ముట్టుకోనని శపథం చేసింది. కానీ, ఆశ్చర్యకరంగా, మరుక్షణమే ఆమె ఎక్స్‌ట్రా బటర్‌తో నాలుగు ప్లేట్ల పావ్ భాజీ ఆర్డర్ చేయడం గమనార్హం.
• బాయ్‌ఫ్రెండ్స్ గోల్: మరో అమ్మాయి అయితే ఏకంగా "నాకు వీలైనంత ఎక్కువ మంది బాయ్‌ఫ్రెండ్స్ కావాలి" అని బిగ్గరగా నవ్వుతూ చెప్పడం అప్పట్లోనే పెద్ద సంచలనం.
• పొదుపు మంత్రం: ఇంకొకరు "నేను ఈ ఏడాది నుంచి ఖర్చులు తగ్గిస్తాను" అని మధ్యతరగతి మనిషి ఆశను బయటపెట్టారు.
• పిల్లల అల్లరి: ఒక అబ్బాయి ఏకంగా "నేను వచ్చే ఏడాది నుంచి స్కూల్‌కు పుస్తకాలు మోయను" అని తన మొండితనాన్ని చాటుకున్నాడు.

నెటిజన్ల రియాక్షన్: "అప్పట్లో ఎంత ఆనందంగా ఉండేవారు!"

డిసెంబర్ 26, 2025న షేర్ చేయబడిన ఈ వీడియో కేవలం కొద్ది రోజుల్లోనే 9.7 లక్షల వ్యూస్ సాధించింది. "వీళ్ల కళ్లలో ఎంత ఆనందం ఉందో చూడండి" అని కొందరు, "అప్పట్లో జనాలు చాలా సహజంగా, తెలివిగా మాట్లాడేవారు" అని మరి కొందరు.. "వీరే ఇప్పుడు మనకు వాట్సాప్ ఫార్వార్డ్‌ లు పంపిస్తున్న ముసలివాళ్ళు" అంటూ ఇంకొందరు నెటిజన్లు ఫన్నీగా కామెంట్స్ చేస్తున్నారు.

గూగుల్ ట్రెండ్స్‌లో న్యూ ఇయర్ హడావిడి

ఈ ఏడాది డిసెంబర్ 31న గూగుల్‌లో న్యూ ఇయర్ రిజల్యూషన్స్ (New Year Resolutions), న్యూ ఇయర్ వేడుకలకు సంబంధించిన సెర్చింగ్స్ భారీగా పెరిగాయి. ముఖ్యంగా "New Year's Eve" అనే పదం గూగుల్ ట్రెండ్స్‌లో అగ్రస్థానంలో నిలిచింది. 2026 ప్రారంభం వేళ ప్రజలు తమ పాత స్మృతులను గుర్తుచేసుకుంటూనే.. కొత్త లక్ష్యాల వైపు అడుగులు వేస్తున్నారు. కాలం మారినా, ఏళ్లు గడిచినా 'కొత్త ఏడాది' ఇచ్చే ఉత్సాహం మాత్రం మారలేదని ఈ వైరల్ వీడియో నిరూపిస్తోంది.