ఆ రాష్ట్రాల్లో రైల్వే జాబ్ నిరసనలు, భారత జాబ్ మార్కెట్ పరిస్థితికి నిదర్శనం

బీహార్, ఉత్తరప్రదేశ్ రాష్ట్రాల్లో రైల్వే ఉద్యోగ నియామకాలకు సంబంధించిన సమస్యలపై నిరసనలు భారత్‌లో మొట్టమొదటి పెద్దస్థాయి నిరుద్యోగ అల్లర్లు కావొచ్చునని అంటున్నారు. ఈ రెండు రాష్ట్రాల్లో పెద్ద సంఖ్యలో నిరసనలు చోటు చేసుకున్నాయి. దాదాపు పది మిలియన్ల దరఖాస్తులు రాగా, 40,000 ఉద్యోగాల ఆఫర్లు ఉండవచ్చునని అంచనా. ఈ నిరసనలు రాజకీయమా, కాదా అనే అంశం పక్కన పెడితే, విపక్షాలకు మాత్రం అధికార బీజేపీ పైన మాటల దాడికి ఉపయోగపడింది.

భారత్‌లో యువత ఎక్కువ. కానీ జాబ్ మార్కెట్ తక్కువగా ఉంది. 15 ఏళ్ల నుండి 24 ఏళ్ల జనాభాను పరిగణలోకి తీసుకుంటే ప్రపంచంలో భారత్ దారుణ కార్మిక మార్కెట్‌ను కలిగి ఉంది. దేశంలో 15 నుండి 24 ఏళ్ల జనాభాలో 27.4 శాతం జాబ్ మార్కెట్‌లో ఉంది. ఇతర దేశాలతో పోలిస్తే ఇది తక్కువ. యువత నిరుద్యోగ రేటు భారత్‍‌‌లో అధికంగా ఉంది. ఇందుకు సంబంధించి గత పదిహేనేళ్లలో భారత్ పరిస్థితి దారుణంగా తయారయిందని టైమ్ సిరీస్ విశ్లేషణ వెల్లడిస్తోంది.

తక్కువ శ్రామికశక్తి భాగస్వామ్యం ఉన్నప్పటికి మన దేశంలో యువత అధిక నిరుద్యోగిత రేటుతో ఉంది. వివిధ దేశాల విషయానికి వస్తే భారత్‌లో లేబర్ ఫోర్స్ పార్టిసిపేషన్‌లో యువత నిరుద్యోగ శాతం 27.1 శాతంగా ఉంది. బంగ్లాదేశ్‌లో 42, చైనాలో 45.6 శాతం, అమెరికాలో 52.4 శాతం, బ్రెజిల్‌లో 56.6 శాతంగా ఉంది.

దేశంలో విద్యార్హత పెరుగుతున్నా కొద్ది నిరుద్యోగిత రేటు పెరుగుతోంది. నిరక్షరాస్యులు/బిలో ప్రైమరీ అయితే నిరుద్యోగిత రేటు 1.4 శాతం కాగా, 15-29 వయస్సులోని వారి నిరుద్యోగిత రేటు 7.4 శాతంగా ఉంది. ఇలా ప్రైమరీ/మిడిల్ స్కూల్ మొత్తం నిరుద్యోగిత రేటు 4.1 శాతం కాగా, 15-29 ఏళ్ల నిరుద్యోగిత రేటు 10.8 శాతం, సెకండరీ/హైయ్యర్ సెకండరీ మొత్తం నిరుద్యోగిత రేటు 7.1 శాతం కాగా, 15-29 ఏళ్ల నిరుద్యోగిత రేటు 16.4 శాతం, డిప్లోమా/సర్టిఫికెట్ కోర్స్ మొత్తం నిరుద్యోగిత రేటు 17.2 శాతం కాగా, 15-29 ఏళ్ల నిరుద్యోగిత రేటు 31.6 శాతం, గ్రాడ్యుయేట్ అండ్ ఎబౌ మొత్తం నిరుద్యోగిత రేటు 16.2 శాతం కాగా, 15-29 ఏళ్ల నిరుద్యోగిత రేటు 37.8 శాతంగా ఉంది. లేబర్ ఫోర్స్ పార్టిసిపేషన్ రేట్ (LFPR) 2018-19 ప్రకారం వేతనజీవుల సగటు నెల ఆదాయం రూ.16,160 కాగా, సెల్ఫ్ ఎంప్లాయిమెంట్ రూ.10,725, క్యాజువల్ వర్కర్స్ వేతనం రూ.8,340గా ఉంది.