క్రూడాయిల్ రేట్లు భారీగా పతనం..అయినా పెట్రోల్, డీజిల్ తగ్గింపుపై లేని కనికరం..!!
ముంబై: అంతర్జాతీయ మార్కెట్లో క్రూడాయిల్ ధరలు దిగొస్తోన్నాయి. ఈ మధ్యకాలంలో ఎప్పుడూ లేనంతగా వాటి రేట్లు తగ్గుతూ క్రమంగా వస్తోన్నాయి. బ్రెంట్ ఫ్యూచర్స్ ట్రేడింగ్లో బ్యారెల్ ఒక్కింటికి 92.31 డాలర్లు పలికింది. వెస్ట్ టెక్సాస్ ఇంటర్మీడియట్లో ఈ ధర మరింత తక్కువగా కనిపించింది. 86.61 డాలర్ల వద్ద ట్రేడింగ్ నమోదైంది.
ఇంధన అమ్మకాల్లో..
ఈ రెండు చోట్లా ఇదివరకు 95.31, 88.79 డాలర్ల మేర పలికింది క్రూడాయిల్ బ్యారెల్ ధర. కొంతకాలంగా క్రూడాయిల్ మార్కెట్లో ఇదే పరిస్థితి కొనసాగుతున్నప్పటికీ- దేశీయ ఇంధన అమ్మకాల్లో ఎలాంటి మార్పులు ఉండట్లేదు. క్రూడాయిల్ రేట్లు తగ్గడం వల్ల ఆర్థిక భారం నుంచి కలుగుతున్న ఊరటను వాహనదారులకు బదలాయించట్లేదు చమురు కంపెనీలు.
ఇవ్వాళ్టి కొత్త రేట్లివే..
ఆయిల్ కంపెనీలు కొద్దిసేపటి కిందటే జారీ చేసిన ఇవ్వాళ్టి కొత్త ధరల ప్రకారం.. ఢిల్లీలో పెట్రోల్ లీటర్ ఒక్కింటికి రూ.96.72 పైసలు, డీజిల్ రూ.89.62 పైసలు పలుకుతోంది. మహారాష్ట్ర ప్రభుత్వం రెండోసారి వ్యాట్ను తగ్గించిన తరువాత ముంబైలో పెట్రోల్ లీటర్ ఒక్కింటికి రూ.111.35 నుంచి 106.35 పైసలకు తగ్గింది. డీజిల్ రూ.97.28 పైసల నుంచి 94.28 పైసలకు క్షీణించింది.
బెంగళూరులో..
కోల్కతలో పెట్రోల్ రూ.106.03 పైసలు, డీజిల్ రూ.92.76 పైసలుగా ఉంటోంది. చెన్నైలో పెట్రోల్ రేటు రూ.102.63 పైసలు, డీజిల్ 94.24 పైసలుగా నమోదైంది. బెంగళూరులో పెట్రోల్ రూ.101.94 పైసలు, డీజిల్ రూ.87.89 పైసలుగా ఉంటోంది. లక్నోలో పెట్రోల్ రూ.96.57 పైసలు, డీజిల్ 89.76 పైసలు, విశాఖపట్నంలో పెట్రోల్ రూ.110.48 పైసలు, డీజిల్ 98.38 పైసలుగా రికార్డయింది.
హైదరాబాద్లో..
అహ్మదాబాద్లో పెట్రోల్ రూ.96.63 పైసలు, డీజిల్ రూ.92.38 పైసలుగా రికార్డయింది. హైదరాబాద్లో పెట్రోల్ రూ.109.66 పైసలు, డీజిల్ రూ.97.82 పైసలు, పాట్నాలో పెట్రోల్ 107.24 పైసలు, డీజిల్ రూ.94.04 పైసలు పలుకుతోంది. తిరువనంతపురంలో పెట్రోల్ 107.87 పైసలు, డీజిల్ రూ.96.67 పైసలుగా నమోదైంది.
వ్యాట్ తగ్గింపుపై..
కేంద్ర ప్రభుత్వం ఎక్సైజ్ డ్యూటీని తగ్గించిన తరువాత మూడు రాష్ట్రాలు మాత్రమే తాము వసూలు చేస్తోన్న విలువ ఆధారిత పన్నును తగ్గించాయి. రాజస్థాన్, కేరళ, మహారాష్ట్ర ప్రభుత్వాలు వ్యాట్ను కుదించాయి. మహారాష్ట్ర ప్రభుత్వం రెండుసార్లు వ్యాట్ తగ్గించింది. బీజేపీ పాలిత రాష్ట్రాలు సైతం పెట్రోల్, డీజిల్ ధరలపై అమలు చేస్తోన్న వ్యాట్ను తగ్గించడానికి పెద్దగా ఆసక్తి చూపలేదు.