MSME రిజస్ట్రేషన్‌కు పాన్, ఆధార్ కార్డు సరిపోతుంది

సూక్ష్మ, చిన్న, మధ్యతరహా పరిశ్రమల (MSME) రిజిస్ట్రేషన్ ప్రక్రియను సరళతరం చేస్తున్నట్లు కేంద్రమంత్రి నితిన్ గడ్కరీ చెప్పారు. వీటి రిజిస్ట్రేషన్‌కు పాన్ కార్డు, ఆధార్ కార్డు సరిపోతాయన్నారు. ఈ మేరకు మంగళవారం ఎస్ఎంఈ స్ట్రీట్ గేమ్ చేంజర్స్ ఫోరం నిర్వహించిన వెబినార్ సదస్సు సందర్భంగా మాట్లాడారు.

పాన్ కార్డు, ఆధార్ కార్డును ఉపయోగించి నమోదు చేసుకున్న MSME యూనిట్లకు ప్రభుత్వపరంగా చేయూతను అందించడంలో, ఆర్థిక వనరులు సమకూర్చడంలో ప్రాధాన్యం ఇస్తున్నట్లు తెలిపారు. బ్యాంకులు, నాన్ బ్యాంకింగ్ ఫైనాన్స్ కార్పొరేషన్స్ చిన్న వ్యాపారాలకు పూర్తిస్థాయి మద్దతు ఇస్తాయన్నారు. అవసరమైతే స్మాల్ యూనిట్లకు ట్రెయినింగ్ ఇస్తామని తెలిపింది.

నితిన్ గడ్కరీ ఎంఎస్ఎంఈల ప్రాముఖ్యతను నొక్కి చెప్పారు. ఎంటర్‌ప్రెన్యూయర్స్‌ను ప్రోత్సహించడం ద్వారా, పెద్ద ఉపాధి అవకాశాలను కల్పించడం ద్వారా ఎంఎస్ఎంఈలు దేశ ఆర్థిక, సామాజిక అభివృద్ధిలో గణనీయంగా దోహదపడతాయని అన్నారు.