నష్టాల్లో ఓఎన్‌జిసి... సహజవాయువుపై ధర తగ్గించిన ప్రభుత్వం .. 6వేల నుండి 7వేల కోట్ల నష్టం

ప్రభుత్వ యాజమాన్యంలోని ఆయిల్ అండ్ నేచురల్ గ్యాస్ కార్పోరేషన్ నష్టాల్లో ఉంది . ఉత్పత్తి వ్యయం కంటే ధర తక్కువగా ఉండటంతో ఓఎన్జీసీ నష్టాలలో ఉంది . అడ్మినిస్ట్రేటెడ్ ప్రైస్ మెకానిజం (ఎపిఎం) కింద ఉత్పత్తి చేయబడిన గ్యాస్ ధర కంపెనీ ఉత్పత్తి వ్యయం కంటే చాలా తక్కువగా ఉన్నందున ఒఎన్‌జిసి తన గ్యాస్ వ్యాపారంలో ఈ సంవత్సరం సుమారు 6,000 -7,000 కోట్ల రూపాయలు నష్టపోతోందని ఓఎన్జీసీ ఫైనాన్స్ డైరెక్టర్ సుభాష్ కుమార్ పేర్కొన్నారు .

ప్రభుత్వం ఆదేశించిన రేట్లు ఒక దశాబ్దం కనిష్టానికి.. వ్యాపారంపై తీవ్ర నష్టం

ఓఎన్జీసీ సహజవాయువు ఉత్పత్తిలో 95 శాతానికి పైగా ప్రభుత్వ అడ్మినిస్ట్రేటెడ్ ప్రైస్ మెకానిజం క్రింద ధర ఉంది. కేంద్ర ప్రభుత్వం ఇటీవల ఎపిఎం కింద సహజ వాయువు ధరను అక్టోబర్ 1 నుంచి ఆరు నెలల వరకు 2.39 ఎంఎంబిటియు నుండి ఎంఎంబిటియు 1.79 కు తగ్గించింది.ఇంధనం కోసం ప్రభుత్వం ఆదేశించిన రేట్లు ఒక దశాబ్దం కనిష్టానికి పడిపోవడంతో ఓఎన్జీసీ న్యాచురల్ గ్యాస్ వ్యాపారంపై రూ .6,000-7,000 కోట్లు నష్టపోతున్నట్లు భారత అగ్రశ్రేణి చమురు మరియు గ్యాస్ ఉత్పత్తిదారు ఒఎన్‌జిసి తెలిపింది.

6 వేల నుండి 7 వేల కోట్ల రూపాయల నష్టం

ప్రభుత్వం ఆదేశించిన రేట్లు బ్రిటీష్ థర్మల్ యూనిట్‌కు 3.5-3.7 డాలర్ల ఉత్పత్తి వ్యయం కంటే తక్కువగా ఉన్నాయని ఆయిల్ అండ్ నేచురల్ గ్యాస్ కార్పోరేషన్ డైరెక్టర్ (ఫైనాన్స్) సుభాష్ కుమార్ తెలిపారు.

గ్యాస్ ధరలో ప్రతి డాలర్ తగ్గింపు సుమారు 5,200 కోట్ల రూపాయలు మరియు లాభంపై 3,500 కోట్ల రూపాయల నష్టానికి దారితీస్తుందని చెప్పారు. దాదాపు 6 వేల నుండి 7 వేల కోట్ల రూపాయల నష్టం జరుగుతుందని పేర్కొన్నారు.

అనుబంధ సంస్థల విలీనానికి కేంద్రం గ్రీన్ సిగ్నల్ ఇచ్చిందన్న ఓఎన్‌జిసి చైర్మన్

ఇదే సమయంలో ప్రభుత్వ యాజమాన్యంలోని ఆయిల్ అండ్ నేచురల్ గ్యాస్ కార్పోరేషన్ (ఒఎన్‌జిసి) తన రెండు చమురు శుద్ధి అనుబంధ సంస్థలైన హిందూస్తాన్ పెట్రోలియం కార్పోరేషన్ లిమిటెడ్ (హెచ్‌పిసిఎల్) మరియు మంగళూరు రిఫైనరీ అండ్ పెట్రోకెమికల్స్ లిమిటెడ్ (ఎంఆర్‌పిఎల్) లను 2021 జూన్ తరువాత విలీనం చేసే అవకాశం ఉందని దాని చైర్మన్ శశి శంకర్ తెలిపారు.విలీనం కోసం పెట్రోలియం మంత్రిత్వ శాఖ నుండి అనుమతి లభించిందని జూన్ 2021 నాటికి దీనిని పూర్తి చేయాలని తాము ఆశిస్తున్నామని చైర్మన్ తెలిపారు.