అమెరికాలో రూ. 80 లక్షలు జీతం వచ్చినా మిగిలేది జీరోనే.. ఎందుకో తెలిస్తే దండం పెడతారు..

భారత్ నుంచి అమెరికాకు ఉద్యోగం కోసం వెళ్లినవారు ముందుగా చెప్పేమాట..లక్షల్లో జీతాలు తీసుకుంటున్నాం అని.. అయితే వారు నిజంగా లక్షల్లో జీతాలు తీసుకుంటుంటే అవి అక్కడ వారికి సరిపోతున్నాయా అనే సందేహం మీకు ఎప్పుడైనా కలిగిఉండవచ్చు. వారు అమెరికాలో ఎన్నిలక్షలు సంపాదించినా అక్కడ ఖర్చులతో పోలిస్తే ఆ జీతాలు ఓ మూలకు కూడా రావు. ఈ విషయాన్ని ఓ ఉద్యోగి తన సోషల్ మీడియా ఫ్లాట్ పాంలో నెటిజన్లతో పంచుకున్నాడు.

శుభం చక్రవర్తి అనే యూజర్ లింక్డ్‌ఇన్‌లో షేర్ చేసిన ఈ పోస్ట్‌ ఇప్పుడు తీవ్ర చర్చనీయాంశమైంది. ఆ పోస్టు ప్రకారం.. మీ మిత్రుడు అమెరికాలో రూ. 80 లక్షల వేతనం పొందుతున్నానంటే, అతని జీవితం లాగే మీరు భారత్‌లో అనుభవించాలంటే మీకు కేవలం రూ. 23 లక్షలే చాలని తెలిపారు. ఇదే Purchasing Power Parity గొప్పతనమని చెప్పుకొచ్చారు. ఆయన చెప్పిన సూత్రం ప్రకారం.. PPP అనేది ఒక దేశంలో డబ్బుతో ఏం కొనగలమో అదే మరో దేశంలో కొనవచ్చు. అయితే అక్కడ ఇక్కడా ఖర్చులో తేడా ఉంటుంది. దీన్నిఆర్థిక సూత్రం అంటారని చెప్పుకొచ్చారు.

అయితే ఇది కరెన్సీ మార్పిడి కాకుండా ఆ దేశంలో లివింగ్ కాస్ట్, ఫుడ్, ఇంటర్నెట్ బిల్లు, ఇంటి అద్దె వంటి వాటి ఆధారంగా నిర్ణయించబడుతుందని తెలిపారు. ఉదాహరణకు, భారత్‌లో రూ. 300 ఖర్చుతో మంచి భోజనం చేస్తే...అమెరికాలో అదే భోజనానికి రూ. 1,700 ఖర్చు అవుతుంది. ఇక ఇంటర్నెట్ బిల్ ఇక్కడ రూ. 700 ఉంటే అమెరికాలో రూ. 6,000కి పెరుగుతుందని చెప్పుకొచ్చారు. ఇక ఇండియాలో రూ. 50,000 రెంటుకు ఉండే ఇల్లు అక్కడ కాస్తా రూ. 1.6 లక్షలు అయ్యే అవకాశముందని రాసుకొచ్చారు.

అయితే దీనితో పాటుగా ఈ PPPకు పరిమితులు ఉన్నాయని చెబుతున్నారు. అభివృద్ధి చెందిన దేశాల్లో మంచి వసతులు అలాగే పబ్లిక్ సర్వీసులు, టెక్నాలజీ, భద్రత వంటి అంశాలు ఎక్కువగా ఉంటాయని తెలిపారు. కావున, ఉద్యోగ ఆఫర్లు తీసుకునే ముందు వేతనం మాత్రమే కాకుండా అక్కడ జీవనశైలితో పాటు భవిష్యత్ వ్యూహాలు, కుటుంబ అవసరాలు అన్నింటినీ పరిగణలోకి తీసుకోవాలని పోస్టులో సూచించారు.ఆయన చెప్పిన వివరాల ప్రకారం.. విదేశాల్లో జీతాలు ఎక్కువగా అనిపించినా అక్కడి జీవన వ్యయం, పన్నులు, హెల్త్ ఇన్సూరెన్స్, పిల్లల చదువు వంటి అంశాలు చాలా ఖరీదైనవిగా మారతాయని చెబుతున్నారు.

ఏదేమైనా విదేశాల్లో జీతాలు చాలా ఎక్కువగా అనిపించవచ్చు కాని అక్కడి జీవన విధానానికి ఆ జీతాలు సరిపోతాయా లేదా అనేది అర్థం చేసుకోవడం చాలా అవసరం.. ఒక్క జీతాలతోనే విదేశాల ప్రయాణాలు పెట్టుకోవద్దు.. ఆదాయాన్ని సేవింగ్స్‌గా మార్చుకునే అవకాశాల గురించి కూడా ఆలోచించుకోవాలి. కుటుంబంతో గడిపే సమయాన్ని కూడా చూసుకోవాలి.

Disclaimer: This article is strictly for informational purposes only. It is not a solicitation to buy, sell in precious metal products, commodities, securities or other financial instruments. Greynium Information Technologies Pvt Ltd, its subsidiaries, associates and the author of this article do not accept culpability for losses and/or damages arising based on information in this article.