Muhurat Trading 2022: ముహురత్ ట్రేడింగ్ ఎందుకు చేస్తారంటే..

దీపావళి రోజు చేసే ముహురత్ ట్రేడింగ్ సమయాన్ని ప్రకటించారు. 2022 అక్టోబర్ 24న దీపావళి ముహురత్ ట్రేడింగ్ కోసం స్టాక్ మార్కెట్లు గంట పాటు పని చేస్తాయి. ఈక్విటీ, ఈక్విటీ, డెరివేటివ్ విభాగంలో ట్రేడింగ్ సాయంత్రం 6:15 గంటలకు ప్రారంభమై రాత్రి 7:15 గంటలకు ముగుస్తుంది. ప్రీ-ఓపెన్ సెషన్ 6:00 ప్రారంభమై 6:08 ముగుస్తుంది.

మంచి జరుగుతుందని

దీపావళి రోజు ట్రేడింగ్ చేయడం సంప్రదాయంగా వస్తోంది. ముహురత్ ట్రేడింగ్ లో పాల్గొంటే మంచి జరుగుతుందని పెట్టుబడిదారులు భావిస్తారు. ఆ రోజు ఒక్క షేరు అయినా కొనాలని చూస్తారు.

ఇక కమోడిటీ డెరివేటివ్ విభాగంలో ముహురత్ ట్రేడింగ్ కూడా సాయంత్రం 6:15 గంటలకు ప్రారంభమై రాత్రి 7:15 గంటలకు ముగుస్తుంది. ట్రేడ్ సవరణకు 7:25 PM వరకు సమయం ఉంటుంది. కాగా శుక్రవారం స్టాక్ మార్కెట్ల్ భారీ లాభాల్లో ఉన్నాయి. బీఎస్ఈ సెన్సెక్స్ 1028 పాయింట్ల లాభంతో 58228 వద్ద కొనసాగుతోండగా..ఎన్ఎస్ఈ నిఫ్టీ 286 పాయింట్ల లాభాల్లో కొనసాగుతోంది.