Salary Hike: దీపావళి స్పెషల్.. ఆ ఉద్యోగు జీతాన్ని నెలకు రూ.7 లక్షలు చేసిన కంపెనీ.. నవంబర్ నుంచి

Salary Hike: కరోనా మహమ్మారి తర్వాత చాలా కాలానికి కంపెనీలు తమ ఉద్యోగులకు తీపి కబురు చెబుతున్నాయి. కొవిడ్-19 వల్ల భారీగా నష్టపోయిన విమానయాన సంస్థలు ప్రస్తుతం తమ ఉద్యోగులకు జీతాల పెంపుతో పెద్ద ఊరటను ప్రకటిస్తున్నాయి.

స్పైస్ జెట్..

దేశీయ విమానయాన సంస్థ స్పైస్‌జెట్ తన కెప్టెన్లకు నవంబర్ నుంచి జీతాలను పెంచుతున్నట్లు ప్రకటించింది. ఇందులో భాగంగా 80 గంటల విమాన ప్రయాణానికి నెలకు రూ.7 లక్షలుగా కంపెనీ నిర్ణయించింది. దీనిపై కంపెనీ ఈరోజు అధికారిక ప్రకటన చేసింది. ఇదే సమయంలో శిక్షకులు, సీనియర్ ఫస్ట్ ఆఫీసర్ల జీతాలు కూడా అనుగుణంగా పెంచినట్లు కంపెనీ వెల్లడించింది.

20 శాతం పెంపు..

లో కాస్ట్ విమానయాన సంస్థ మెుదటి విడత చెల్లింపు ఎమర్జెన్సీ క్రెడిట్ లైన్ గ్యారెంటీ స్కీమ్ (ECLGS) అందుకున్న వెంటనే పైలట్ల వేతనాలను పెంచింది. అక్టోబర్ నుంచి అమల్లోకి వచ్చేలా కెప్టెన్‌లకు 20 శాతం జీతం పెంపును ప్రకటించింది. ECLGS కంపెనీ మరో రూ.1,000 కోట్లు అందుకోవటానికి సిద్ధంగా ఉంది.

అంతర్జాతీయ రేట్లతో..

విమానయాన రంగంలో అంతర్జాతీయంగా చెల్లిస్తున్న జీతలతో పోల్చితే భారత్ లో సిబ్బంది తక్కువ వేతనాలను అందుకుంటున్నారు. దేశీయ కంపెనీల్లో పనిచేస్తున్న చాలా మంది పైలట్లు, క్యాబిన్ సిబ్బంది, గ్రౌండ్ హ్యాండ్లింగ్ సిబ్బంది తక్కువ వేతనాలు అందుకుంటున్నారు.

గత నెలలో అలా..

స్పైస్‌జెట్ సంస్థ సెప్టెంబరులో ఖర్చులను తగ్గించుకునే పనిలో భాగంగా తన వద్ద పనిచేస్తున్న 80 మంది పైలట్‌లను వేతనం లేకుండా మూడు నెలల సెలవుపై వెళ్లమని కోరింది. ఇదే సమయంలో.. డైరెక్టర్ జనరల్ ఆఫ్ సివిల్ ఏవియేషన్ కంపెనీపై ఉన్న 50 శాతం కెపాసిటీతో నడపాలనే సస్పెన్షన్‌ను అక్టోబర్ 29, 2022 వరకు పొడిగించింది.

ఐదవ స్థానంలో..

DGCA గణాంకాల ప్రకారం మార్కెట్ వాటా ప్రకారం స్పైస్‌జెట్ కంపెనీ 5వ స్థానంలో కొనసాగుతోంది. గత నెలలో 7.9 శాతంగా ఉన్న ఎయిర్‌లైన్ వాటా సెప్టెంబర్‌లో 7.3 శాతానికి పడిపోయింది. సంస్థ విమానాల్లో సెప్టెంబర్‌లో 7.53 లక్షల మంది ప్రయాణించారు. ఇండిగో సంస్థ 57.7 శాతం మార్కెట్ వాటాతో దేశీయ విమానయాన కంపెనీల్లో అగ్రగామిగా కొనసాగుతోంది. సెప్టెంబరులో ఎయిర్ లైన్ ద్వారా 59.72 లక్షల మంది ప్రయాణించారు.