Lohia Corp: త్వరలో రానున్న లోహియా కార్ప్ ఐపీఓ.. సెబీకి డ్రాఫ్ట్ దాఖలు..

లోహియా కార్ప్ లిమిటెడ్ ఐపీఓ కోసం డ్రాఫ్ట్ పేపర్‌లను దాఖలు చేసింది. ఈ కంపెనీ IPO 31.70 మిలియన్ షేర్లను విక్రయించనున్నారు.ఈ కంపెనీ టెక్నికల్ టెక్స్‌టైల్స్ ఉత్పత్తిలో ఉపయోగించే యంత్రాలను తయారు చేస్తోంది.ఈ కంపెనీ ఉత్తరప్రదేశ్‌లోని కాన్పూర్ నగరానికి చెందింది. ఇటీవల ఫైల్ చేసిన డ్రాఫ్ట్ రెడ్ హెర్రింగ్ ప్రాస్పెక్టస్ (DRHP) ప్రకారం, ఈ IPO పూర్తిగా ఆఫర్ ఫర్ సేల్ (OFS)పై ఆధారపడి ఉంటుంది.

ఆఫర్ ఫర్ సేల్
తన ఈక్విటీ షేర్ల ప్రతిపాదిత లిస్టింగ్ కంపెనీకి బ్రాండ్ గుర్తింపును ఇస్తుందని కంపెనీ భావిస్తోంది. ICICI సెక్యూరిటీస్, IIFL సెక్యూరిటీస్, HSBC సెక్యూరిటీస్ అండ్ క్యాపిటల్ మార్కెట్స్ (ఇండియా) ప్రైవేట్ లిమిటెడ్, మోతీలాల్ ఓస్వాల్ ఇన్వెస్ట్‌మెంట్ అడ్వైజరీ ఇష్యూకి బుక్-రన్నింగ్ లీడ్ మేనేజర్‌లుగా వ్యహరించనున్నాయి.ఈ IPO పూర్తిగా ఆఫర్ ఫర్ సేల్ (OFS)పై ఆధారపడి ఉంటుంది. ఇందులో, 31,695,000 ఈక్విటీ షేర్లను ప్రమోటర్లు, ఇతర వాటాదారులు విక్రయించనున్నారు.

90 దేశాలలో
మార్చి 31, 2022 నాటికి, కంపెనీ కస్టమర్ బేస్ ప్రపంచవ్యాప్తంగా 90 దేశాలలో 2,000 కంటే ఎక్కువ మంది కస్టమర్‌లను కలిగి ఉంది. FY 2022లో కంపెనీ నిర్వహణ ఆదాయం 2021 ఆర్థిక సంవత్సరంలో రూ. 1,333.79 కోట్ల నుంచి రూ. 2,237.48 కోట్లకు పెరిగింది, అదే సమయంలో పన్ను తర్వాత లాభం రూ. 119.30 కోట్ల నుంచి రూ. 160.85 కోట్లకు పెరిగింది.