LIC: ఎల్‏ఐసీకి 10 ఏళ్ల టైమ్.. అందుకే పెరిగిన షేర్లు..

దేశంలోని అతిపెద్ద బీమా కంపెనీ లైఫ్ ఇన్సూరెన్స్ కార్పొరేషన్ ఆఫ్ ఇండియాకు పాజిటివ్ వార్త వచ్చింది. పబ్లిక్ షేర్‌హోల్డింగ్‌ను 25 శాతం వరకు తీసుకురావడానికి ఎల్‌ఐసికి 10 సంవత్సరాల సమయం ఇస్తూ ప్రభుత్వం ఉత్తర్వులు జారీ చేసింది. దీంతో LIC ఇప్పుడు పబ్లిక్ షేర్‌హోల్డింగ్‌ను 2032 నాటికి 75 శాతానికి తగ్గించుకోవాల్సి ఉంది. ప్రస్తుతం ఎల్‌ఐసీలో పబ్లిక్ షేర్ హోల్డింగ్ 2.55 శాతం మాత్రమే ఉంది.

నేషనల్ స్టాక్ ఎక్స్ఛేంజ్‌లో ఎల్‌ఐసి తన రెగ్యులేటరీ ఫైలింగ్‌లో ఆర్థిక మంత్రిత్వ శాఖ ఆధ్వర్యంలోని డిపార్ట్‌మెంట్ ఆఫ్ ఎకనామిక్ అఫైర్స్ 25 శాతం పబ్లిక్ షేర్ హోల్డింగ్ పెంచుకోవడానికి వన్-టైమ్ షేర్ జారీ చేసినట్లు తెలిపింది. పబ్లిక్ షేర్ హోల్డింగ్ ను ఎక్స్ఛేంజ్‌లో లిస్టైన తేదీ నుంచి మే 2023 వరకు 10 సంవత్సరాలు వరకు 25 శాతానికి పెంచుకోవాలి. నిబంధనల ప్రకారం స్టాక్ ఎక్స్ఛేంజ్‌లో లిస్టయిన అన్ని కంపెనీలు పబ్లిక్ షేర్‌హోల్డింగ్‌ను కనీసం 25 శాతం ఉంచాలి.

పబ్లిక్ షేర్‌హోల్డింగ్‌ను 25 శాతం వరకు తీసుకురావడానికి స్టాక్ ఎక్స్ఛేంజ్ పెద్ద కంపెనీలకు 5 సంవత్సరాల వరకు సమయం ఇస్తుంది. కానీ ప్రభుత్వం ఎల్‌ఐసికి ప్రత్యేక ఉత్తర్వులు జారీ చేసింది. 10 సంవత్సరాల వరకు సమయం ఇచ్చింది. ఎల్ఐసీ మే 17, 2022న స్టాక్ ఎక్స్ఛేంజ్‌లో లిస్ట్ అయింది. ఇంతకుముందు ఎల్‌ఐసి 2027 నాటికి కనీస పబ్లిక్ షేర్ హోల్డింగ్‌ను 25 శాతానికి తీసుకురావాలి. కానీ ఇప్పుడు ప్రభుత్వం 10 సంవత్సరాల వరకు సమయం ఇచ్చింది.

ఎల్‌ఐసీ షేర్ హోల్డింగ్ ప్యాట్రన్‌ను పరిశీలిస్తే, ఎల్‌ఐసీలో ప్రభుత్వం 96.5 శాతం వాటాను కలిగి ఉంది. పబ్లిక్ వాటాదారులు 2.55 శాతం, విదేశీ పెట్టుబడిదారులు 0.1 శాతం, దేశీయ సంస్థాగత పెట్టుబడిదారులు 0.84 శాతం కలిగి ఉన్నారు. రానున్న పదేళ్లలో ఎల్‌ఐసీ షేర్‌హోల్డింగ్‌ను 96.5 శాతం నుంచి 75 శాతానికి తగ్గించుకోవాల్సి ఉంటుంది. ప్రభుత్వం రాబోయే 10 సంవత్సరాలలో ఆఫర్ ఫర్ సేల్, ఎఫ్‌పిఓ ద్వారా ఎల్‌ఐసి షేర్లను విక్రయించవచ్చు. డిసెంబర్ 21, గురువారం ట్రేడింగ్ సెషన్‌లో, ఎల్‌ఐసి స్టాక్ 0.43 శాతం పెరుగుదలతో రూ.764.50 వద్ద ముగిసింది. అయితే, ఈ స్టాక్ ఇప్పటికీ దాని IPO ధర రూ.949 కంటే దిగువన ట్రేడవుతోంది. శుక్రవారం ఎల్ఐసీ షేర్లు దాదాపు 5 పెరిగాయి.