Ananda Mobile App: LIC సరికొత్త యాప్

ప్రభుత్వరంగ బీమా దిగ్గజం లైఫ్ ఇన్సురెన్స్ కార్పోరేషన్ ఆఫ్ ఇండియా (LIC) సరికొత్తగా ఆనంద్ మొబైల్ యాప్‌‌ను అందుబాటులోకి తీసుకు వచ్చింది. ఈ సరికొత్త యాప్‌ను బుధవారం కంపెనీ చైర్‌పర్సన్ ఎంఆర్ కుమార్ ప్రారంభించారు. ఈ సందర్భంగా ఆయన మాట్లాడుతూ సంస్థకు చెందిన ఏజెంట్లకు కొత్త బిజినెస్ డిజిటల్ అప్లికేషన్, పేపర్‌లెస్ సొల్యుషన్ అందించడంలో భాగంగా ఈ యాప్‌ను అందుబాటులోకి తీసుకు వచ్చినట్లు తెలిపారు.

అత్యాధునిక ఫీచర్స్ కలిగిన ఈ యాప్ ద్వారా డిజిటల్‌గా KYC పక్రియను పూర్తి చేయవచ్చు. కాగితం అవసరం లేకుండా పాలసీలను డిజిటల్ రూపంలో మంజూరు చేయవచ్చు. ఏజెంట్ ఇంటికి రావల్సిన అవసరం లేకుండా కస్టమర్లు కొత్తగా ఎల్ఐసీ పాలసీ తీసుకోవచ్చని ఎంఆర్ కుమార్ తెలిపారు.

ఎల్ఐసీకి మొబైల్ యాప్ లాంచ్ బిగ్ డే అని, సంస్థ మంచి ఎత్తుకు వెళ్లిందని కుమార్ అన్నారు. యాప్ డిజిటల్ అప్లికేషన్ విలక్షణ లక్షణాలు కలిగి ఉందన్నారు. అత్యాధునిక సాంకేతిక మార్గాల ద్వారా తదుపరి కస్టమర్లను చేరుకునే లక్ష్యంతో ఈజీ యాక్సెస్ అందిస్తున్నట్లు తెలిపారు.