LIC: ఎల్ఐసీ సొమ్ము గల్లంతు.. నిండా ముంచిన అనిల్ అంబానీ కంపెనీ..!

Anil Ambani: ఆసియా కుబేరుడు ముఖేష్ అంబానీ సోదరుడు అనిల్ అంబానీ దివాలా తీసిన సంగతి మనందరికీ తెలిసిందే. అప్పుల ఊబిలో కూరుకుపోయిన పారిశ్రామికవేత్త వల్ల ఎల్ఐసీ భారీ మెుత్తంలో సొమ్మును కోల్పోనుంది.

ఎల్ఐసీ ప్రజల సొమ్ము..

రిలయన్స్ క్యాపిటల్ ఎల్ఐసీకి రూ.3,400 కోట్లు చెల్లించాల్సి ఉంది. అయితే ఈ మెుత్తంలో కేవలం రూ.782 కోట్లు మాత్రమే ప్రస్తుతం రికవర్ కానున్నట్లు తెలుస్తోంది. అంటే మెుత్తం సొమ్ములో 73 శాతం ప్రజల సొమ్ము మునిగిపోవచ్చు. రిలయన్స్ లోని తన రుణాన్ని విక్రయించేందుకు ఎల్ఐసీ స్విస్ ఛాలెంజ్‌ని ఆశ్రయించింది. అయితే దీనిని కొనుగోలు చేసేందుకు ఎవ్వరూ ముందుకు రాలేదని తెలుస్తోంది. అయితే దీని కోసం ఎల్‌ఐసీ భారీ మూల్యం చెల్లించుకోవాల్సి వస్తుంది.

స్విస్ ఛాలెంజ్ అంటే..

స్విస్ ఛాలెంజ్ అనేది బిడ్డింగ్ పద్ధతి. ఇందులో ఒక పార్టీ ఆస్తి కోసం వేలం వేస్తుంది. దీని వివరాలు బహిరంగపరచబడతాయి. ఇతర వ్యక్తుల నుంచి బిడ్లు కోరబడతాయి. కానీ రిలయన్స్ క్యాప్ విషయంలో మాత్రం ఎవరూ వేలం వేయలేదు. ప్రాసెస్ అడ్వైజర్ IDBI ట్రస్టీషిప్ LIC రుణాన్ని విక్రయించడానికి ఎటువంటి బిడ్‌ను స్వీకరించలేదు. ఇందుకు సంబంధించిన బిడ్డింగ్‌ గడువు శుక్రవారంతో ముగిసింది.

ఎల్ఐసీ..

LIC, ACRE SSG రెండూ రిలయన్స్ క్యాపిటల్ క్రెడిటర్స్ కమిటీలో సభ్యులు. ACRE కంపెనీపై రూ.1,350 కోట్ల అప్పు ఉంది. డఫ్ & ఫెల్ప్స్ రిలయన్స్ క్యాప్ స్వతంత్ర వాల్యుయేషన్ చేసింది. LIC-ACRE లావాదేవీ కంటే స్వతంత్ర వాల్యుయేషన్ ఎక్కువగా ఉంటే, ఎల్‌ఐసీ రుణ విక్రయం తక్కువ విలువను ప్రశ్నించవచ్చని బ్యాంకర్ చెప్పారు.

రిలయన్స్ క్యాపిటల్..

రిలయన్స్ క్యాపిటల్ దాదాపు 20 ఫైనాన్షియల్ సర్వీసెస్ కంపెనీలను కలిగి ఉంది. వీటిలో సెక్యూరిటీల బ్రోకింగ్, ఇన్సూరెన్స్, ARC ఉన్నాయి. అప్పుల ఊబిలో కూరుకుపోయిన రిలయన్స్ క్యాపిటల్ బోర్డును ఆర్బీఐ నవంబర్ 30, 2021లో రద్దు చేసింది. అలాగే నాగేశ్వరరావును సెంట్రల్ బ్యాంక్ కంపెనీకి అడ్మినిస్ట్రేటర్‌గా నియమించింది. ఆయన మెుత్తం కంపెనీ లేదా వ్యక్తిగత కంపెనీల కోసం వేలం వేయడానికి బిడ్డింగ్ ప్రక్రియను పర్యవేక్షిస్తారు.