Income Tax: నిర్మాణంలో ఉన్న ప్రాపర్టీకి పన్ను రాయితీ పొందొచ్చా..? పూర్తి వివరాలు..

Tax Filing: మార్చితో 2023-24 ఆర్థిక సంవత్సరం ముగియటంతో చాలా మంది ఉద్యోగులు, వ్యాపారులు తమ పన్ను ఫైలింగ్స్ పూర్తి చేయటంలో బిజీగా ఉన్నారు.ఈ క్రమంలో పన్ను మినహాయింపులకు సంబంధించి చాలా మందిలో అనేక అనుమానాలు ఎల్లప్పుడూ ఉంటూనే ఉంటాయి. కొత్త పన్ను చెల్లింపుదారుల్లో ఇవి అధికంగా ఉంటుంటాయి.

ఆదాయపు పన్ను చట్టంలోని సెక్షన్ 24(బి) కింద పన్ను చెల్లింపుదారులు హోమ్ లోన్‌పై చెల్లించే వడ్డీపై మినహాయింపుకు అర్హులు. అయితే దీనిని పొందటానికి కొన్ని నిర్థిష్టమైన నిబంధనలు ఉన్నాయి. ఉదాహరణకు నిర్మాణ దశలో గృహ రుణంపై చెల్లించే వడ్డీని 'నిర్మాణానికి ముందు వడ్డీ'గా పేర్కొంటారు. ఈ మినహాయింపు తక్షణమే వర్తించదు. బదులుగా ఆస్తి నిర్మాణం పూర్తై స్వాధీనం చేసుకున్న ఆర్థిక సంవత్సరం నుంచి ఐదు సమాన వాయిదాల్లో దీనిని క్లెయిమ్ చేయవచ్చు.

సెక్షన్ 24(బి) కింద అప్పుగా తెచ్చుకున్న మూలధనంపై వడ్డీపై తగ్గింపు నిర్మాణం పూర్తయిన తర్వాత అనిశ్చితంగా ఉంటుంది. అయితే ఆస్తిని సంపాదించిన సంవత్సరం లేదా నిర్మాణానికి ముందు కాలానికి చెల్లించాల్సిన వడ్డీని క్లెయిమ్ చేయవచ్చు. హోమ్ లోన్ పొందిన ఆర్థిక సంవత్సరం చివరి నుంచి ఐదేళ్లలోపు నిర్మాణపనులు పూర్తి చేసి ఆస్తిని స్వాధీనం చేసుకోవాలని క్లియర్ టాక్స్ ప్రతినిధి మణికంఠన్ వెల్లడించారు. అయితే సదరు ఆస్తి నిర్మాణ దశలో ఉన్నప్పుడు ఎలాంటి రాయితీలు పొందటానికి అర్హతను కలిగి ఉండదని గుర్తుంచుకోవాలి.

దీనికింద డిడక్షన్ పొందాలంటే ముందుగా ప్రాపర్టీని లోన్ తీసుకున్న ఆర్థిక సంవత్సరం తర్వాత 5 ఏళ్లలోపు పూర్తయ్యేలా చూసుకోవాలి. ఒకవేళ సకాలంలో నిర్మాణాలు పూర్తి చేయటంలో విఫలమైతే పన్ను మినహాయింపు రూ.2 లక్షలకు బదులుగా రూ.30,000 పొందుతారని Freo సీఈవో కునల్ వర్మ పేర్కొన్నారు. ఆదాయపుపన్ను చట్టంలోని సెక్షన్ 24(బి) కింద సాధారణ వార్షిక వడ్డీ, ఆస్తి నిర్మాణానికి ముందు వడ్డీ రెండింటితో సహా వడ్డీకి మొత్తం మినహాయింపు సంవత్సరానికి రూ.2 లక్షలకు పరిమితం చేయబడింది. నిర్మాణ దశలో వడ్డీ చెల్లింపుల రుజువును నిర్వహించడం ఈ మినహాయింపును క్లెయిమ్ చేయడానికి కీలకం.