జాన్సన్ అండ్ జాన్సన్ పౌడర్ అమ్మకాలు నిలిపివేస్తూ కీలక నిర్ణయం తీసుకున్న సంస్థ .. రీజన్ ఇదే

హెల్త్ కేర్ దిగ్గజం జాన్సన్ అండ్ జాన్సన్ బేబీ పౌడర్‌ అమ్మకాలను సంస్థ నిలిపివేసింది. అమెరికా, కెనడా దేశాలలో తమ బేబీ పౌడర్ అమ్మకాలు నిలిపి వేయనున్నామని అమెరికా ఫార్మా దిగ్గజ సంస్థ ఎట్టకేలకు అధికారికంగా ప్రకటించింది. ఇక యుకె లో టాల్క్ ఆధారిత జాన్సన్ బేబీ పౌడర్‌ను అమ్మడం కొనసాగిస్తామని చెప్పారు. జాన్సన్ అండ్ జాన్సన్ బేబీ టాల్క్ క్యాన్సర్ కు కారణమవుతుందని సంవత్సరాలుగా వాదన వినిపిస్తుంది .వేలాది కేసులు, కోట్ల డాలర్ల పరిహారం లాంటి అంశాల నేపథ్యంలో సంస్థ ఈ నిర్ణయం తీసుకున్నట్టు తెలుస్తుంది.

అమెరికా , కెనడాలలో జాన్సన్ పౌడర్ విక్రయాల నిలిపివేత నిర్ణయం

జాన్సన్ బేబీ టాల్క్ ఉత్పత్తుల ద్వారా తమకు అండాశయ క్యాన్సర్ వచ్చే అవకాశం ఉందని ఆరోపించిన 22 మంది మహిళలకు నష్టపరిహారంగా 7 4.7 బిలియన్ చెల్లించాలన్న 2018 ఉత్తర్వులకు వ్యతిరేకంగా సంస్థ పోరాటం సాగిస్తుంది. ఇక ఇదే కాకుండా వేల సంఖ్యలో నమోదైన సూట్లు సంస్థను ఇబ్బంది పెడుతున్నాయి. ఇక తమ ఉత్పత్తుల ద్వారా ఆరోగ్య సమస్యల ఆరోపణలు ఖండిస్తుంది జాన్సన్ అండ్ జాన్సన్ .

పౌడర్ పై వ్యా‍జ్యాలతోనే ఈ నిర్ణయం తీసుకున్న జాన్సన్ అండ్ జాన్సన్

ఉత్తర అమెరికాలో టాల్క్-ఆధారిత జాన్సన్ బేబీ పౌడర్ డిమాండ్ చాలావరకు తగ్గుతోందని ఇక రాబోయే రెండు నెలలలో అమెరికా, కెనడా దేశాలలో అమ్మకాలు నిలిపివేస్తామని, ప్రస్తుతం స్టాక్ ఉన్నంతవరకు అమ్మకాలు సాగిస్తామని చెప్తుంది. ఇక ఈ నిర్ణయం తీసుకోవటం వెనుక బలమైన కారణాలే ఉన్నట్టు తెలుస్తుంది. వినియోగదారుల అలవాట్లలో మార్పులు, తప్పుడు సమాచారం, పౌడర్ పై వ్యా‍జ్యాలు దీనికి ఆజ్యం పోయటం తోనే జాన్సన్ అండ్‌ జాన్సన్ ఈ నిర్ణయం తీసుకుంది. సరఫరా ముగిసే వరకు ఉన్న ఇతర రీటైల్‌ మార్కెట్లటలో అమ్మకాలు కొనసాగుతాయని పేర్కొంటున్నారు .

విచారణ నుంచి తప్పించుకునేందుకే పౌడర్ అమ్మకాల నిలిపివేత అని ఆరోపణలు

జాన్సన్ అండ్ జాన్సన్ ఉత్పత్తుల వల్ల తమకు క్యాన్సర్ వచ్చిందనే ఆరోపణలతో 16,000 కంటే ఎక్కువ కేసులను సంస్థ ఎదుర్కొంటున్న నేపధ్యంలో ఈ నిర్ణయంతీసుకుంది . దీంతోపాటు ఫుడ్ అండ్ డ్రగ్ అడ్మినిస్ట్రేషన్ నిర్వహించిన పరీక్షలో కూడా డేంజరస్ కాంపౌండ్స్ ఉన్నాయని తేలింది . మరోవైపు న్యూజెర్సీలోని ఫెడరల్ కోర్టులో 16,000కు పైగా సూట్ల విచారణ కొనసాగుతున్న సమయంలో బేబీ పౌడర్ అమ్మకాల నిలిపివేత ప్రకటన విచారణ నుంచి తప్పించుకునేందుకే అన్న ఆరోపణలు కూడా వినిపిస్తున్నాయి .