Jio Financial: జియో ఫైనాన్షియల్ సర్వీసెస్ త్రైమాసిక ఫలితాలు విడుదల..

నాన్-బ్యాంకింగ్ ఫైనాన్షియల్ ఇన్స్టిట్యూషన్ (NBFC) జియో ఫైనాన్షియల్ సర్వీసెస్ తన Q3 FY24 ఫలితాలను సోమవారం విడుదల చేసింది. రిలయన్స్ ఇండస్ట్రీస్-ఆధారిత కంపెనీ వారి క్వార్టర్-ఆన్-క్వార్టర్ (QoQ) నికర లాభాలలో 56% క్షీణతను నమోదు చేసింది. సెప్టెంబర్ 2023తో ముగిసిన త్రైమాసికంలో జియో ఫైనాన్షియల్ సర్వీసెస్ త్రైమాసిక ఆదాయం రూ.608.04 కోట్ల నుంచి రూ.413.61 కోట్లకు చేరింది. అంటే 32% క్షీణించింది.

డిసెంబర్ 2023తో ముగిసిన తొమ్మిది నెలల కాలంలో మార్చి 2023తో ముగిసే ఆర్థిక సంవత్సరంతో పోలిస్తే జియో ఫైనాన్షియల్ సర్వీసెస్ ఆర్థిక పనితీరులో గణనీయమైన వృద్ధిని సాధించింది. తొమ్మిది నెలల కాలంలో కంపెనీ నికర లాభం రూ.32.25 కోట్ల నుంచి రూ.1,293.92కి పెరిగింది. ఆదాయం పరంగా Jio ఫైనాన్షియల్ సర్వీసెస్ మార్చి 2023తో ముగిసిన సంవత్సరంలో రూ.41.63 కోట్ల ఆదాయం నుంచి డిసెంబర్ 2023 నాటికి రూ.1,435.78 కోట్లకు గణనీయంగా పెరిగింది.

సెప్టెంబర్ 2023తో ముగిసిన త్రైమాసికంలో జియో ఫైనాన్షియల్ సర్వీసెస్ నికర వడ్డీ ఆదాయం 44% జంప్ చేసింది. తొమ్మిది నెలల వ్యవధిలో, కంపెనీ ఎన్ఐఐపెరిగింది. ఇది మార్చి 2023లో రూ.38.34 కోట్ల నుంచి 2023 డిసెంబర్‌లో రూ.657 కోట్లకు చేరింది. ఆగస్ట్ 2023లో స్టాక్ ఎక్స్ఛేంజ్ లిస్టింగ్ తర్వాత ఇది జియో ఫైనాన్షియల్ సర్వీసెస్ రెండవ ఆర్థిక నివేదిక. రిలయన్స్ ఇండస్ట్రీస్ నుంచి డీమెర్జ్ తర్వాత జియో ఫైనాన్షియల్ వినియోగదారుల ఫైనాన్స్, అసెట్ మేనేజ్‌మెంట్, బీమా వంటి బహుళ రంగాలలో విస్తరించాలని చూస్తోంది.

రెగ్యులేటరీ ఫైలింగ్‌లో జియో ఫైనాన్షియల్ సర్వీసెస్, కంపెనీ డైరెక్టర్ల బోర్డు రూపాలీ అధికారి సావంత్‌ను గ్రూప్ హెడ్ ఆఫ్ ఇంటర్నల్ ఆడిట్‌గా సుధీర్ రెడ్డి గోవుల గ్రూప్ చీఫ్ కంప్లయన్స్ ఆఫీసర్‌గా నియామకానికి ఆమోదం తెలిపినట్లు సమాచారం. జియో ఫైనాన్షియల్ షేర్ ధర బీఎస్‌ఇలో 4.55% పెరిగి ఒక్కో షేరుకు రూ.266.80 వద్ద ముగిసింది.