4,000 మంది చిన్నారులతో నీతా అంబానీ, ఇషా క్రిస్మస్ సెలబ్రేషన్స్

రిలయన్స్ అధినేత ముఖేష్ అంబానీ సతీమణి నీతా అంబానీ, వారి కూతురు ఇషా అంబానీ బుధవారం ముంబైలోని ఓ ఎన్జీవోలో 4,000 మంది పిల్లల మధ్య క్రిస్‌మస్ వేడుకలు జరుపుకున్నారు. నీతా అంబానీ రిలయన్స్ ఫౌండేషన్ వ్యవస్థాపకురాలు, చైర్ పర్సన్ కూడా. ఈ సందర్భంగా జియో వండర్ ల్యాండ్ ప్రత్యేక ప్రివ్యూ ప్రదర్శన ద్వారా చిన్నారుల్లో ఉత్సాహం నింపారు.

ముంబై నగరంలో ఏర్పాటు చేసిన జియో వండర్‌లాండులో అంతర్జాతీయ కార్నీవాల్‌తో పాటు డ్రోన్ షోలు, గేమ్స్, మేజిక్ యాక్ట్స్, ఫెర్రీస్ వీల్, ట్రమ్పోలిన్ పార్కులు, శాంతాక్లాజ్, ఫోటో బూత్‌లు ప్రత్యేక ఏర్పాటు చేశారు. పిల్లల కోసం హామ్లీస్ ఫ్యామిలీకి చెందిన హామ్లీ, హట్టి ఎలుగుబంటి వంటివి ప్రత్యేక ఆకర్షణగా నిలిచాయి. పిల్లలకు నీతా అంబానీ మంచి బహుమతులు ఇచ్చారు.

ఈ వేడుక సందర్భంగా నీతా అంబానీ ఆకుపచ్చ పోల్కా డాట్ టాప్, బ్లూజీన్స్ ధరించారు. ఇషా అంబానీ రెడ్ బటన్డ్ డౌన్ మాక్సీ డ్రెస్ ధరించారు. రిలయన్స్ ఫౌండేషన్ ఆధ్వర్యంలో 2012 నుంచి సెలబ్రేషన్స్ నిర్వహిస్తున్నారు.