మ్యానుఫ్యాక్చరింగ్ ఎఫెక్ట్, 10 నెలల కనిష్టానికి పారిశ్రామికోత్పత్తి

ఇండెక్స్ ఆఫ్ ఇండస్ట్రియల్ ప్రొడక్షన్(IIP) ప్రకారం డిసెంబర్ 2021లో భారత పారిశ్రామికోత్పత్తి అంతకుముందు నెల 1.3 శాతంతో పోలిస్తే 0.5 శాతం తగ్గింది. ఈ మేరకు నేషనల్ స్టాటిస్టికల్ ఆఫీస్(NSO) విడుదలైన నివేదిక వెల్లడిస్తోంది. గత పది నెలల కాలంలో 0.4 శాతమే కనిష్టం. తయారీ రంగంలో పేలవమైన పనితీరు ఇందుకు ప్రధాన కారణం. పారిశ్రామిక ఉత్పత్తి సూచీలో తయారీ రంగం వాటా 77.63 శాతంగా ఉంది. ఇది డిసెంబర్ నెలలో 0.1 శాతం క్షీణించింది. దీంతో ప్రభావం పడింది.

తయారీ రంగం గత మూడు నాలుగు నెలలుగా కాస్త పుంజుకుంది. అయితే డిసెంబర్ నెలలో మాత్రం ఏడాది ప్రాతిపదికన 0.1 శాతం తగ్గింది. ఫిబ్రవరి 2021 తర్వాత ఇదే మొదటిసారి. నవంబర్ 2021లో మ్యానుఫ్యాక్చరింగ్ ఔట్ పుట్ 0.8 శాతం పెరిగింది.

యూజ్-బేస్డ్ క్లాసిఫికేషన్‌పరంగా ఆరింట మూడు (క్యాపిటల్, కన్స్యూమర్ డ్యూరబుల్స్, కన్స్యూమర్ నాన్-డ్యూరబుల్స్) డిసెంబర్ నెలలో క్షీణించింది. ప్రైమరీ, ఇంటర్మీడియరీ, ఇన్ఫ్రాస్ట్రక్చర్ గూడ్స్ మాత్రం స్వల్పంగా పెరిగాయి. ఐఐపీ గ్రోత్ మైనింగ్ ఏడాది ప్రాతిపదికన పెరిగినప్పటికీ, నెల ప్రాతిపదికన తగ్గింది. మ్యాన్యుఫ్యాక్చరింగ్ ఏడాది ప్రాతిపదికన చూసినా, నెల ప్రాతిపదికనా తగ్గింది. ఎలక్ట్రిసిటీ ఐఐపీ మాత్రం ఏడాది ప్రాతిపదికన తగ్గినప్పటికీ, నెల ప్రాతిపదికన పెరిగింది.