ఇండిగో ఉద్యోగుల జీతంలో మళ్లీ కోత, మే, జూన్, జూలై కూడా.. అమెరికాలో 14.7 శాతానికి చేరిన నిరుద్యోగిత...

కరోనా వైరస్ వల్ల ఆర్థిక వ్యవస్థ కుదేలవుతోంది. ఉద్యోగాలు కల్పన క్రమంగా తగ్గిపోతోంది. ఉన్న ఉద్యోగాలకు వేతనాలు ఇచ్చే పరిస్థితి లేనందున.. కంపెనీలు ఖర్చులను తగ్గించుకుంటున్నాయి. ఒకటి అని కాదు.. కానీ రంగాల్లో వేతన జీవులకు జీతంలో కోత ఉంటుంది. వెల్ నెస్ సెంటర్ క్యూర్ ఫిట్ 800 మందిని ఉద్యోగులను విధుల నుంచి తొలగించిన సంగతి తెలిసిందే. మరిన్ని కంపెనీలు కూడా ఉద్యోగులను తగ్గిస్తూ వస్తున్నాయి.

ప్రముఖ విమానయాన సంస్థ ఇండిగో తన సిబ్బంది జీతంలో కోత విధించిన సంగతి తెలిసిందే. ఏప్రిల్ నెల జీతాలు కత్తిరించగా.. అది మే, జూన్, జూలైలో కూడా కొనసాగుతోందని స్పష్టంచేసింది. లిమిటెడ్ గ్రేడెడ్ లీవ్ కింద మూడు నెలలకు జీతం తగ్గిస్తున్నట్టు పేర్కొన్నది. అగ్రరాజ్యం అమెరికాను కరోనా వైరస్ కలవర పెడుతోంది.

వైరస్ విస్తరించడంతో గతంలో ఎన్నడూలేని మాదిరిగా ఉద్యోగాల కోత విధించాల్సి వస్తోంది. వైరస్ వల్ల ఏప్రిల్ నెలలో 20 మిలియన్ల ఉద్యోగాలకు అమెరికా కోత పెట్టింది. దీంతో అమెరికాలో ఉద్యోగాల కోత 14.7 శాతానికి చేరింది. గతంలో ఎన్నడూ లేని విధంగా ఉద్యోగాల కోత విధించారు.