అమెరికా డాలర్‌తో రూపాయి మారకపు విలువ 76.53, మరో 14 పైసలు డ్రాప్..

దేశంలో కరోనా వైరస్ కేసులు క్రమంగా పెరగడం, విదేశాల్లో అమెరికా డాలర్ బలోపేతం కావడంతో రుపాయి మారకపు విలువ మరింత పడిపోయింది. అమెరికా డాలర్‌తో పోలిస్తే 14 పైసలు తగ్గి 76.53 వద్ద స్థిరపడింది. దేశీయ, ప్రపంచ ఆర్థిక వ్యవస్థపై కరోనా వైరస్ ప్రభావం వల్ల పెట్టుబడిదారుల సెంటిమెంట్ ఎఫెక్ట్ చూపించగా... ఇతర దేశాల్లో ఉన్న పరిస్థితి అమెరికా డాలర్ మరింత బలపడేందుకు దారితీసింది.

సోమవారం ఇంటర్ బ్యాంక్ ఎక్స్చేంజ్ 76.43 మధ్య ప్రారంభమై 76.53కి చేరింది. గత సెషన్‌తో పోలిస్తే 14 పైసలు దిగజారింది. అయితే సోమవారం సెషన్‌లో రూపాయి గరిష్టంగా 76.43 స్థాయి, 76.68 కనిష్ట స్థాయిని చేరుకోవడం విశేషం. శుక్రవారం సాయంత్రం 76.39 వద్ద స్థిరపడిన సంగతి తెలిసిందే.

సోమవారం దేశీయ మార్కెట్లు సానుకూలంగా కొనసాగాయి. సెన్సెక్స్ 126.92 పాయింట్లు లాభపడి 31 వేల 715.64 వద్ద ముగిసింది. నిఫ్టీ 25.20 పాయింట్లు లాభపడి 9 వేల 291.95 వద్ద క్లోజ్ అయ్యింది. ఆరు కరెన్సీల సమూహం గ్రీన్ బాక్స్ 0.15 శాతం పెరిగి 99.93 వద్ద ముగిసింది. ప్రపంచంలో కరోనా వైరస్ పాజిటివ్ కేసుల సంఖ్య 24 లక్షలు కాగా.. భారతదేశంలో అది 17 వేల 200కు చేరుకున్నది. 500కు పైగా మంది చనిపోయారు.