వెంటన్ ఇరాన్‌ విడిచి వెళ్లండి.. భారత్ పౌరులకు అత్యవసర హెచ్చరిక జారీ చేసిన ఇండియన్ ఎంబసీ..

టెహ్రాన్ - వాషింగ్టన్ మధ్య ఉద్రిక్తతలు పెరుగుతున్న నేపథ్యంలో.. భారత రాయబార కార్యాలయం సోమవారం అన్ని భారతీయ పౌరులకు కీలక ఆదేశాలు జారీ చేసింది. వెంటనే ఇరాన్‌ను విడిచిపోవాలని అత్యవసర సలహా విడుదల చేసింది. విద్యార్థులు, యాత్రికులు, వ్యాపారవేత్తలు, పర్యాటకులు వంటి అన్ని విభాగాల ప్రజలకు వర్తిస్తుందని స్పష్టం చేశారు. రాయబార కార్యాలయం పేర్కొన్నట్లు, వాణిజ్య విమానాలు సహా అందుబాటులో ఉన్న అన్ని రవాణా మార్గాల ద్వారా భారతీయులు దేశం విడిచి వెళ్లాలని సూచించింది.

ఈ సలహా జనవరి 5, 2026న జారీ చేసిన మునుపటి సూచనను కొనసాగిస్తూ.. ఇరాన్‌లో మారుతున్న భద్రతా పరిస్థితులను దృష్టిలో ఉంచుకుని విడుదల చేసినట్లు రాయబార కార్యాలయం స్పష్టంగా తెలిపింది: ప్రస్తుతం Iran లో ఉన్న భారతీయులు.. నిరసనలు, ప్రదర్శనలు జరిగే ప్రాంతాలకు దూరంగా ఉండాలి, తమ ప్రయాణ, ఇమ్మిగ్రేషన్ పత్రాలు, పాస్‌పోర్ట్‌లు, ఐడిలు తదితరాలను తక్షణమే సిద్ధంగా ఉంచుకోవాలి. అలాగే, ఎలాంటి అత్యవసర పరిణామాల కోసం స్థానిక మీడియాను పర్యవేక్షించాలని కోరింది.

భారత రాయబార కార్యాలయం అత్యవసర సంప్రదింపు కోసం హెల్ప్‌లైన్ నంబర్లు కూడా విడుదల చేసింది: [phone], [phone], [phone], [phone]. అదనంగా, సాంకేతిక లేదా ఆవశ్యక సహాయం కోసం ఇమెయిల్ [[email protected]](mailto:[email protected]) ద్వారా సంప్రదించవచ్చని సూచించారు.

ఇరాన్‌లో విద్యార్థుల నిరసనలు రెండవ రోజు కొనసాగుతున్నాయి. టెహ్రాన్ - వాషింగ్టన్ మధ్య అణు ఒప్పందం సంబంధిత చర్చలు జరుగుతున్నాయి. ఒమన్ విదేశాంగ మంత్రి బదర్ అల్ బుసైది ధృవీకరించినట్లుగా.. తదుపరి చర్చల రౌండ్ ఈ వారం చివర ఫిబ్రవరి 26, గురువారం జెనీవాలో జరగనుంది.

అంతకుముందు అమెరికా అధ్యక్షుడు డొనాల్డ్ ట్రంప్ కూడా ఇరాన్‌కు హెచ్చరిక జారీ చేశారు. మనం ఒక ఒప్పందాన్ని కుదుర్చుకోబోతున్నాం లేదా అది వారికి దురదృష్టకరం అవుతుంది... 10-15 రోజులు వారికి సరిపోతాయని ట్రంప్ వార్నింగ్ ఇచ్చారు. ఈ నేపథ్యంను బట్టి మధ్యప్రాచ్యంలో యుద్ధ భయం పెరుగుతున్నట్లు అంతర్జాతీయ విశ్లేషకులు పేర్కొంటున్నారు.

భారతీయులకు ఈ సలహా అత్యవసరమైనదిగా భావిస్తున్నారు, ఎందుకంటే అక్కడ పరిస్థితులు ప్రతీ రోజూ మారుతున్నాయి. అందువల్ల, ఇరాన్‌లో ఉన్న పౌరులు తక్షణమే భద్రతా దిశగా చర్యలు తీసుకోవడం అత్యవసరం. రాయబార కార్యాలయం ప్రతీ వ్యక్తిని జాగ్రత్తగా ఉండాలని, నిరసనలు మరియు ఉద్రిక్తతలు ఉన్న ప్రాంతాలను నివారించాలని పునరుద్ఘాటించింది.