ఇరాన్ యుధ్ధం.. హార్ముజ్ జలసంధిని దాటిన రెండు భారత ఎల్పీజీ నౌకలు.. ఎలా సాధ్యమయిందంటే..

అంతర్జాతీయంగా ఇంధన సరఫరాకు అత్యంత కీలకమైన హార్ముజ్ జలసంధి వద్ద యుద్ధ మేఘాలు కమ్ముకున్న తరుణంలో.. రెండు భారతీయ LPG వాహక నౌకలు సురక్షితంగా ఈ మార్గాన్ని దాటడం విశేషంగా చెప్పుకోవచ్చు. అమెరికా-ఇజ్రాయెల్ - ఇరాన్ మధ్య దాడులు తీవ్రతరమవ్వడం.. ఇరాన్ తన భూభాగంలోని ఈ జలసంధిని మూసివేస్తామని హెచ్చరించిన నేపథ్యంలో ఈ షిప్పులు జలసంధి దాటడం ఎంతో ప్రాధాన్యత సంతరించుకుంది. భారతీయ చమురు కంపెనీలు తమ సరఫరా గొలుసును దెబ్బతినకుండా చూసుకోవడానికి చేస్తున్న ప్రయత్నాల్లో ఇది ఒక భాగంగా చూడవచ్చు.

భారతదేశం తన ఎల్పీజీ అవసరాల కోసం ప్రధానంగా ఖతార్, యూఏఈ, సౌదీ అరేబియా వంటి దేశాలపై ఆధారపడుతుంది. ఈ దేశాల నుండి వచ్చే నౌకలు తప్పనిసరిగా హార్ముజ్ జలసంధి గుండానే ప్రయాణించాలి. యుద్ధం కారణంగా ఈ మార్గం మూతపడితే.. దేశంలో వంట గ్యాస్ కొరత ఏర్పడి ధరలు భారీగా పెరిగే ప్రమాదం ఉంది. ఇప్పటికే అంతర్జాతీయ మార్కెట్‌లో ముడి చమురు ధరలు పెరగడంతో, గ్యాస్ దిగుమతి ఖర్చులు కూడా భారంగా మారాయి. ఈ నేపథ్యంలో భారత నౌకలు సురక్షితంగా ప్రయాణించడం ప్రభుత్వానికి, సామాన్య ప్రజలకు కొంత ఊరటనిచ్చే విషయం.

ఈ సంక్షోభ సమయంలో భారతీయ నౌకలకు రక్షణ కల్పించడానికి భారత నావికాదళం (Indian Navy) నిరంతరం నిఘా ఉంచుతోంది. గల్ఫ్ ప్రాంతంలో ప్రయాణించే వాణిజ్య నౌకల భద్రత కోసం 'ఆపరేషన్ సంకల్ప్' వంటి చర్యల ద్వారా పర్యవేక్షిస్తోంది. అంతర్జాతీయంగా నౌకలపై దాడులు జరుగుతున్న తరుణంలో.. భారతీయ జెండా ఉన్న నౌకలకు ఎటువంటి హాని కలగకుండా దౌత్యపరమైన, సైనికపరమైన చర్యలు తీసుకుంటున్నారు.

ఇరాన్ యుద్ధం.. హార్ముజ్ జలసంధిపై టెహ్రాన్ కీలక ప్రకటన.. ట్రంప్‌కు గట్టి వార్నింగ్

ఒకవేళ హార్ముజ్ జలసంధి గుండా సరఫరా పూర్తిగా నిలిచిపోతే.. అది కేవలం ఎల్పీజీ ధరలనే కాకుండా మొత్తం ఆర్థిక వ్యవస్థను ప్రభావితం చేస్తుంది. రవాణా ఖర్చులు పెరగడం వల్ల నిత్యావసర వస్తువుల ధరలు పెరిగి ద్రవ్యోల్బణం నియంత్రణ తప్పే అవకాశం ఉంది. అందుకే ప్రభుత్వం ప్రత్యామ్నాయ మార్గాలను, ఇతర దేశాల నుండి దిగుమతి చేసుకునే అవకాశాలను పరిశీలిస్తోంది.

ప్రస్తుతానికి రెండు నౌకలు సురక్షితంగా ప్రయాణించినప్పటికీ.. పశ్చిమ ఆసియాలో యుద్ధం నాలుగో వారంలోకి ప్రవేశించడం వల్ల అనిశ్చితి ఇంకా కొనసాగుతూనే ఉంది. అమెరికా అధ్యక్షుడు ట్రంప్ హెచ్చరికలు, ఇరాన్ ప్రతిస్పందనలు చమురు, గ్యాస్ మార్కెట్లను వణికిస్తున్నాయి. భారతదేశం తన వ్యూహాత్మక నిల్వలను పెంచుకోవడం, ఇతర దేశాలతో చర్చలు జరపడం ద్వారా ఈ ఇంధన సంక్షోభాన్ని ఎదుర్కోవడానికి సిద్ధమవుతోంది.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.