ఇండియన్ IT ప్రాజెక్ట్స్ పోతే… ఉద్యోగుల భవిష్యత్తు ఏమవుతుంది?

అమెరికాలో కొత్తగా ప్రవేశపెట్టిన "HIRE Act 2025" ఇప్పుడు వార్తల్లోకి వచ్చింది. R-ఒహియో సెనేటర్ బర్నీ మోరెనో ఈ బిల్ సెప్టెంబర్ 5న ప్రవేశపెట్టారు. ఇది అమెరికన్ ఉద్యోగులకు ప్రాధాన్యం ఇవ్వాలి, జాబ్స్ విదేశీయులకు వెళ్ళకూడదు.

HIRE Act 2025 ప్రకారం, అమెరికా కంపెనీలు తమకు పని చేసే విదేశీ ఉద్యోగులకు ఇచ్చే డబ్బు పై 25% ట్యాక్స్ విధించబడనుంది. అంటే, ఏదైనా సాఫ్ట్‌వేర్ డెవలపర్, BPO ఏజెంట్ లేదా ఇతర సేవల కోసం అమెరికా కంపెనీ వినియోగదారులు కోసం చెల్లించే దాని పై 25% అదనపు పన్ను రావాల్సి ఉంటుంది.

ఈ ట్యాక్స్ ద్వారా సేకరించిన డబ్బు డొమెస్టిక్ వర్క్‌ఫోర్స్ ఫండ్ లోకి వెళ్తుంది. ఈ ఫండ్ ద్వారా అమెరికాలో అప్రెంటీస్‌షిప్, వర్క్‌ఫోర్స్ డెవలప్‌మెంట్ ప్రోగ్రామ్స్ కు ఫైనాన్షియల్ సపోర్ట్ అందించబడుతుంది. అంటే, అమెరికా ఉద్యోగులు కొత్త స్కిల్స్ నేర్చుకోవడానికి, ట్రైనింగ్ ప్రోగ్రామ్‌లలో పాల్గొనడానికి ఈ ఫండ్ ఉపయోగపడుతుంది.

ఇంకా ఒక ముఖ్యమైన పాయింట్ ఏమిటంటే, కంపెనీలు విదేశీ ఉద్యోగులకు ఇచ్చే పేమెంట్స్‌ని టాక్స్‌లో డిడక్షన్ చేసుకోలేవు. సాధారణంగా కంపెనీలు ఖర్చులను టాక్స్‌ నుంచి తగ్గిస్తుంటారు, కానీ HIRE Act అమలు అయితే, విదేశీ ఉద్యోగులకు చెల్లించిన డబ్బు మొత్తాన్ని డిడక్షన్ చేసుకోవడం అసాధ్యం అవుతుంది. ఇది కంపెనీల ఖర్చును మరింత పెంచుతుంది, ఫలితంగా అవుట్సోర్సింగ్ ఖర్చు ఎక్కువగా ఉంటుంది.

సెనేటర్ మోరెనో మాటల్లో అమెరికాలో కాలేజ్ గ్రాడ్యుయేట్స్ ఉద్యోగాలు పొందలేకపోగా, గ్లోబలిస్ట్ పాలిటిషియన్లు మరియు C-Suite ఎగ్జిక్యూటివ్స్ జాబ్స్‌ను విదేశాలకు తరలిస్తున్నారు. ఇప్పుడు ఆ రోజులు ముగిసాయి. అమెరికన్ ఉద్యోగులకు గౌరవం, మంచి వేతనం లభించాలి. విదేశీ ఉద్యోగులను నియమిస్తే కంపెనీలపై నష్టం ఉంటుందని బిల్ చెబుతోంది.

మరి ఈ బిల్ భారత్‌పై ఏమైన ప్రభావం చూపొచ్చు? ముఖ్యంగా భారత IT, BPO రంగానికి ఇది సిగ్నిఫికెంట్ మార్పు ఇవ్వబోతోంది. ముందుగా, HIRE Act ఇప్పటికీ ప్రపోజల్ బిల్ మాత్రమే. ఇంకా చర్చల దశలో ఉన్న ఈ బిల్ చివరి రూపంలో ఎలా ఉండబోతుందో ఇంకా తెలియదు.

కానీ, ఈ బిల్ అమలు అయితే పరిస్థితులు మారుతాయి. ముఖ్యంగా 25% ట్యాక్స్ వర్తించబడితే, అమెరికా కంపెనీలకు విదేశీ ఉద్యోగులను పెట్టడం వల్ల గణనీయంగా ఖరీదైన పని అవుతుంది. కేవలం సర్వీస్‌ ఫీ మాత్రమే కాదు, కంపెనీ మొత్తం ఖర్చు పెరుగుతుంది.

ఇదే కారణంగా, పెద్ద IT, BPO కంపెనీలు ఈ అదనపు ఖర్చును తగ్గించడానికి పనిని షిఫ్ట్ చేయడానికి ప్రయత్నిస్తారు. ముఖ్యంగా కొత్తగా వచ్చే పెద్ద ప్రాజెక్టులు, క్లయింట్-కాస్టమైజ్డ్ IT సర్వీసులు లేదా BPO ప్రాజెక్టులు ఎక్కువగా ప్రభావితమవుతాయి. అంటే, ఇలాంటి ప్రాజెక్ట్‌లు కొంత ఆలస్యమవ్వచ్చు లేదా కంపెనీలు వాటిని US లో స్వయంగా చేయాలని ప్లాన్ చేయవచ్చు.

తదుపరి, చిన్న మరియు మధ్యస్థాయి IT/BPO కంపెనీలకు ఇది మరింత పెద్ద సవాల్‌గా ఉంటుంది. పెద్ద IT కంపెనీలు ఖర్చు భారం పంచుకొని సులభంగా నిర్వర్తించగలవు, కానీ చిన్న కంపెనీలు ఎక్కువగా విదేశీ క్లయింట్ల పై ఆధారపడినవే కావున, ఈ అదనపు ఖర్చు వల్ల వర్క్ లాస్, రివెన్యూ తగ్గుదల వంటి సమస్యలు ఎదుర్కోవాల్సి వస్తుంది. దీంతో చిన్న కంపెనీల వ్యాపార ప్లానింగ్, కొత్త ప్రాజెక్ట్‌లు పొందే అవకాశాలపై కూడా ప్రభావం పడుతుంది.

మొత్తం చూస్తే, HIRE Act అమలు అయితే, ఇది భారతీయ IT, BPO రంగంపై సిగ్నిఫికెంట్ ప్రభావం చూపగలదు, ముఖ్యంగా అమెరికా ఫిర్మ్‌ల కోసం అవుట్సోర్సింగ్ సేవలు అందించే విభాగాల్లో ఎక్కువ ప్రభావం ఉంటుంది.