భారత ఆర్థిక రికవరీ అదుర్స్, కొత్త కేసులు కాస్త ఇబ్బందికరం

భారత ఆర్థిక వ్యవస్థ రికవరీ బాటలో వేగంగా నడుస్తోందని అంతర్జాతీయ ద్రవ్యనిధి సంస్థ(IMF) ప్రతినిధి గ్యారీ రైస్ అన్నారు. ప్రపంచ బ్యాంకుతో కలిసి వచ్చే నెల్లో స్ప్రింగ్ సమావేశాల నేపథ్యంలో ఈ ప్రకటన చేశారు. భారత ఆర్థిక వ్యవస్థ క్రమంగా గాడిన పడుతోందని, రియల్ జీడీపీ పెరిగే అవకాశాలు ఉన్నాయని పేర్కొంది.

2020 నాలుగో త్రైమాసికంలో(అక్టోబర్-డిసెంబర్) క్షీణతలో నుండి బయట పడిందని, మూలధనం, పెట్టుబడి వ్యయాలు పెరుగుతున్నాయన్నారు. దీనికి తోడు 2021 మొదటి త్రైమాసికంలో (జనవరి-మార్చి) పర్చేజింగ్ మేనేజర్స్ ఇండెక్స్, రవాణాసహా ఆర్థిక వ్యవస్థకు సంబంధించి పలు ఇండికేటర్స్‌ సానుకూలంగా ఉన్నట్లు తెలిపారు. అయితే కరోనా కొత్త స్ట్రెయిన్స్, స్థానిక లాక్‌డౌన్స్ రికవరీబాటలో కొంత ఇబ్బందికరమైన పరిణామాలన్నారు.

దేశంలో ఇటీవల కరోనా కేసులు తిరిగి పెరుగుతోన్న విషయం తెలిసిందే. శుక్రవారం భారత్‌లో 59,118 కొత్త కరోనా కేసులు నమోదయ్యాయి. దీంతో దేశంలో మొత్తం కరోనా కేసులు 1,18,46,652కు చేరుకున్నాయి.