Income Tax News: ట్యాక్స్ పేయర్స్ నెత్తిన IT శాఖ బాంబ్.. నకిలీ HRA క్లెయిమ్స్‌ బిగ్‌ బ్లాస్ట్..

Fake HRA claims: ప్రతిఏటా పన్ను చెల్లింపుల్లో విపరీతమైన పెరుగుదల కనిపిస్తూ వస్తోంది. దీనికి ప్రధాన కారణం ఆదాయపు పన్ను శాఖ అవలంభిస్తున్న విధానాలని చెప్పవచ్చు. గతంలో మాన్యువల్ గా చేసే పనులను ఇప్పుడు సాంకేతికత సాయంతో పూర్తి చేస్తున్నారు. ఆర్టిఫిషియల్ ఇంటెలిజెన్స్‌ను వినియోగించి అక్రమాలను అడ్డుకట్ట వేస్తున్నారు. ఇదే టెక్నాలజీ తాజాగా మరో భారీ మోసాన్ని బయటపెట్టింది.

ఇంటి అద్దె(HRA) పేరిట నకిలీ అద్దె రసీదులు సమర్పింంచి ట్యాక్స్ మినహాయింపు పొందే వారికి ఆదాయపు పన్ను శాఖ గట్టి ఝలక్ ఇచ్చేందుకు సిద్ధమైంది. డేటా అనలిటిక్స్, ఆర్టిఫిషియల్ ఇంటెలిజెన్స్ వంటి టెక్నాలజీల సాయంతో ఇంటి యజమానులకు నోటీసులను కూడా పంపుతోంది. దీంతో వేతన జీవుల్లో ఆందోళన నెలకొంది.

పన్ను పరిధిలోకి వచ్చే ఆదాయాన్ని తగ్గించుకోవడమే ప్రధాన కారణంగా ఈ తరహా HRA క్లెయిమ్స్ చేస్తున్నారు. 10 లక్షల సంవత్సర ఆదాయం ఉన్న ఓ వ్యక్తి ఏడాదికి 2.40 లక్షల HRA క్లెయిమ్ చేస్తే, పన్ను పరిధిలోకి వచ్చే ఆదాయం 7.60 లక్షలకు పడిపోతుంది. దీనివల్ల సంవత్సరానికి 1.20 లక్షల పన్ను ఆదా అవుతుంది.

పలువురు యజమానుల నుంచి HRA క్లెయిమ్ చేస్తున్న ట్యాక్స్ పేయర్స్‌ను గుర్తించేందుకు ఆదాయపు పన్ను విభాగం డేటా అనలిటిక్స్‌ని వాడుతోంది. ఇక నకిలీ అద్దె రసీదుల నమూనాల గుర్తింపునకు ఆర్టిఫిషియల్ ఇంటెలిజెన్స్‌ను ఉపయోగిస్తోంది. ఆయా ఇళ్ల యజమానులతో అద్దె రసీదులను ధ్రువీకరించుకోవచ్చు. కాబట్టి ఇంటి అద్దె రసీదుల విషయంలో అప్రమత్తంగా ఉండాల్సిన అవసరం ఎంతైనా ఉంది.