ఏడాదిలో లక్ష కార్ల విక్రయం, ఆ కారు అంటే యువతకు క్రేజ్, విదేశాల్లోనూ సేల్స్...

అసలే కరోనా వైరస్.. టూ వీలర్, కార్ల విక్రయాలు అంతంత మాత్రమే. కానీ హ్యుండాయ్ వెన్యూ కారు మాత్రం భారీగానే అమ్ముడుపోయాయి. ఏడాదిలో లక్ష కార్లు విక్రయించినట్టు ఈ మేరకు కంపెనీ శుక్రవారం సంస్థ ప్రకటించింది. గతేడాడి మే నెలలో వెన్యూ కార్ల విక్రయాలను ప్రారంభించారు. వాస్తవానికి వెన్యూ లాంచ్ అయ్యే సమయంలో ఆటోమొబైల్ కంపెనీలో అనేక సవాళ్లను ఎదుర్కొంది. తర్వాత మాంద్యం, వైరస్ ప్రభావం ఉన్నా.. ఇంతమొత్తంలో కార్ల విక్రయాలు జరిగాయి.

దేశంలో 97 వేల 400 వాహనాలను కంపెనీ విక్రయించింది. ఇతర దేశాల్లో 7400 కార్లను సేల్ చేసింది. భారతీయ కొనుగోలుదారులలో వెన్యూ ఆదరణ పొందింది. 2020 ఇండియన్ కార్ ఆఫ్ ద ఇయర్ అవార్డును కూడా గెలుచుకుంది. వెన్యూ పెట్రోల్, డీజిల్ రెండు వెర్షన్లలో.. వివిధ ఆప్షన్లతో మోడల్స్ అందుబాటులో ఉన్నాయి. భద్రతా ప్రమాణాల విషయంలోనూ కంపెనీ రాజీపడలేదు. భద్రత విషయంలో ఏఎన్‌సీఏపీలో నాలుగు రేటింగ్ ఇచ్చింది అంటే సెక్యూరిటీని అర్థం చేసుకోవచ్చు. దీంతోపాటు యువత మెచ్చేలా కారును రూపొందించారు.

భారతీయ మార్కెట్లో వెన్యూ.. మారుతీ సుజుకీ విటారా బ్రెజ్జా, మహీంద్రా ఎక్స్‌యూవీ 300, కియో సొనెట్, నిస్సాన్ కంపెనీకి చెందిన ఎస్‌యూవీలతో పోటీపడుతోంది. కానీ విక్రయాలు మాత్రం వాటి కన్నా కొంచెం ఎక్కువే ఉన్నట్టు గణాంకాలను బట్టి తెలుస్తోంది.