HDFC Bank: అంచనాకు అనుగుణంగానే హెచ్‌డీఎఫ్‌సీ బ్యాంక్ ఫలితాలు..!

హెచ్‌డీఎఫ్‌సీ బ్యాంక్ త్రైమాసిక ఫలితాలను ప్రకటించింది. ఏప్రిల్ 20న 2023-24 ఆర్థిక సంవత్సరం జనవరి-మార్చి త్రైమాసికంలో రూ. 16,511 కోట్ల నికర లాభాన్ని నమోదు చేసింది. ఇది గత త్రైమాసికంలో రూ. 16,373 కోట్లతో పోలిస్తే 0.84 శాతం పెరిగింది. నికర లాభం దాదాపు రూ.16,576 కోట్లగా ఉంది. ఇది మార్కెట్ అంచనాలకు అనుగుణంగా ఉంది.

రూ.29,007 కోట్ల నికర వడ్డీ ఆదాయం (ఎన్‌ఐఐ) గత త్రైమాసికంలో ఇది రూ.28,470 కోట్లుగా ఉంది. మార్కెట్ అంచనాలు రూ.29,172 కోట్లతో పోలిస్తే ఎన్‌ఐఐ కాస్త తక్కువగా ఉంది. బ్యాంక్ స్థూల నిరర్థక ఆస్తులు (ఎన్‌పిఎ) గత త్రైమాసికంలో 1.26 శాతం నుంచి 1.24 శాతానికి తగ్గాయి. మరోవైపు త్రైమాసికంలో నికర NPA 0.31 శాతంతో పోలిస్తే 0.33 శాతంగా ఉంది.

ఈ త్రైమాసికంలో అనుబంధ సంస్థ HDFC క్రెడిలా ఫైనాన్షియల్ సర్వీసెస్‌లో వాటా విక్రయం ద్వారా రూ.7340 కోట్ల లావాదేవీల లాభాలతో సహా రుణదాత నికర ఆదాయం రూ.47,240 కోట్లకు పెరిగింది. మార్చి 31, 2024తో ముగిసిన సంవత్సరానికి రూ. 1 ఈక్విటీ షేరుకు రూ. 19.5 డివిడెండ్‌ను డైరెక్టర్ల బోర్డు సిఫార్సు చేసినట్లు బ్యాంక్ ఒక పత్రికా ప్రకటనలో తెలిపింది.

ఈ త్రైమాసికంలో కేటాయింపులు రూ. 13,500 కోట్లు ఉండగా.. ఇందులో రూ. 10,900 కోట్ల ఫ్లోటింగ్ కేటాయింపులు ఉన్నాయని బ్యాంక్ తెలిపింది. FY24లో బ్యాంక్ మొత్తం లాభం రూ.64,060 కోట్లుగా ఉంది. హెచ్‌డీఎఫ్‌సీ బ్యాంక్ షేర్లు ఏప్రిల్ 19న బీఎస్‌ఈలో 2.46 శాతం పెరిగి రూ.1531.30 వద్ద ముగిశాయి.