Gold Prices Today: భారీగా పెరిగిన బంగారం ధర, వెండి ధర స్వల్పంగా జంప్

బంగారం ధరలు సోమవారం (జూలై 21) పెరిగాయి. గతవారం భారీగా తగ్గిన గోల్డ్ ఫ్యూచర్స్ ఈ వారం ఆరంభ సెషన్లోనే ఎగిసిపడింది. అయినప్పటికీ బంగారం రూ.47,000 వద్దే ఉంది. సిల్వర్ ఫ్యూచర్స్ అతి స్వల్పంగా పెరిగి రూ.67,800 దిగువన ఉంది. అంతర్జాతీయ మార్కెట్లో బంగారం 15 డాలర్ల వరకు పెరిగి 1783 డాలర్ల వద్ద, సిల్వర్ ఫ్యూచర్స్ 26 డాలర్ల పైన ఉంది. గత ఏడాది ఆగస్ట్ 7వ తేదీ నాటి ఆల్ టైమ్ గరిష్టం రూ.56200తో పోలిస్తే రూ.9200 తక్కువగా ఉంది. సిల్వర్ ఫ్యూచర్స్ ఆల్ టైమ్ గరిష్టంతో రూ.10వేలకు పైగా తక్కువగా ఉంది.

బంగారం ధర రూ.354 జంప్

దేశీయ ఫ్యూచర్ మార్కెట్ మల్టీ కమోడిటీ ఎక్స్చేంజ్(MCX)లో 10 గ్రాముల ఆగస్ట్ గోల్డ్ ఫ్యూచర్స్ నేటి సాయంత్రం సెషన్లో రూ.354.00 (0.76%) పెరిగి రూ.47082.00 వద్ద ట్రేడ్ అయింది. రూ.46,900.00 వద్ద ప్రారంభమైన ధర, రూ.47,155.00 వద్ద గరిష్టాన్ని తాకి, రూ.46,633.00 కనిష్టాన్ని తాకింది. అక్టోబర్ గోల్డ్ ఫ్యూచర్స్ రూ.339.00 (0.72%) పెరిగి రూ.47388.00 వద్ద ట్రేడ్ అయింది. రూ.47,144.00 వద్ద ప్రారంభమైన ధర, రూ.47,441.00 గరిష్టాన్ని, రూ.46,906.00 వద్ద కనిష్టాన్ని తాకింది.

వెండి స్వల్పంగా జంప్

జూలై సిల్వర్ ఫ్యూచర్స్ సాయంత్రం సెషన్లో రూ.162.00 (0.24%) పెరిగి రూ.67760.00 వద్ద ట్రేడ్ అయింది. రూ.67,647.00 వద్ద ప్రారంభమై, రూ.67,945.00 వద్ద గరిష్టాన్ని తాకి, రూ.66,628.00 వద్ద కనిష్టాన్ని తాకింది. సెప్టెంబర్ సిల్వర్ ఫ్యూచర్స్ రూ.109.00 (0.16%) పెరిగి రూ.68758.00 వద్ద ట్రేడ్ అయింది. రూ.68,678.00 వద్ద ప్రారంభమైన ధర, రూ.68,979.00 గరిష్టాన్ని, రూ.67,717.00 కనిష్టాన్ని తాకింది

అంతర్జాతీయ మార్కెట్లో...

అంతర్జాతీయ ఫ్యూచర్ మార్కెట్లో బంగారం నేడు భారీగా పెరిగాయి. అంతర్జాతీయ మార్కెట్లో గోల్డ్ ఫ్యూచర్స్ నేడు 14.40 (0.81%) డాలర్లు పెరిగి 1,783.35 డాలర్ల వద్ద కదలాడింది. నేటి సెషన్లో 1,764.60 - 1,786.85 డాలర్ల మధ్య కదలాడింది. సిల్వర్ ఫ్యూచర్స్ కూడా పెరిగింది. 0.054 (0.21%) డాలర్లు పెరిగి 26.005 డాలర్ల వద్ద ట్రేడ్ అయింది. నేటి సెషన్లో 25.582 - 26.130 డాలర్ల మధ్య కదలాడింది.