రూ.47,500 స్థాయికి బంగారం ధరలు, వెండి ధరల్లో స్వల్ప క్షీణత

గతంవారం భారీగా పెరిగిన బంగారం ధరలు నేడు కూడా స్వల్పంగా పెరిగాయి. రూ.47,500 సమీపానికి చేరుకొని, రూ.48వేల దిశగా సాగుతోంది. అంతర్జాతీయ మార్కెట్లో పసిడి, వెండి ధరలు నేడు స్వల్పంగా క్షీణించాయి. దేశీయంగా పసిడి పెరిగి, వెండి అతి స్వల్పంగా తగ్గింది. బంగారం ఆల్ టైమ్ గరిష్టం రూ.56,200తో పోలిస్తే రూ.8700 తక్కువగా ఉంది. ఓ సమయంలో రూ.12,400 తక్కువగా ఉన్న పసిడి, ఈ కాలంలో రూ.3000కు పైగా పెరిగింది.

రూ.47,500కు బంగారం

గత వారం రూ.47వేల పైకి చేరుకున్న గోల్డ్ ఫ్యూచర్స్ నేడు ప్రారంభ సెషన్లో రూ.47,500 సమీపానికి చేరుకుంది. జూన్ గోల్డ్ ఫ్యూచర్స్ నేడు ఉదయం సెషన్లో రూ.114.00 (0.24%) పెరిగి రూ.47467.00 వద్ద ట్రేడ్ అయింది. రూ.47,353.00 వద్ద ప్రారంభమైన ధర, రూ.47,484.00 వద్ద గరిష్టాన్ని, రూ.47,344.00 వద్ద కనిష్టాన్ని తాకింది. ఆగస్ట్ గోల్డ్ ఫ్యూచర్ రూ.139.00 (0.29%) పెరిగి రూ.47730.00 వద్ద ట్రేడ్ అయింది. రూ.47,706.00 ప్రారంభమైన ధర, రూ.47,732.00 గరిష్టాన్ని, రూ.47,675.00 కనిష్టాన్ని తాకింది.

వెండి ధరల్లో క్షీణత

వెండి ధరలు కూడా స్వల్పంగా క్షీణించాయి. మే సిల్వర్ ఫ్యూచర్స్ రూ.319.00 (-0.46%) క్షీణించి రూ.68365.00 వద్ద ట్రేడ్ అయింది. రూ.68,456.00 వద్ద ప్రారంభమై, రూ.68,456.00 గరిష్టాన్ని, రూ.68,104.00 వద్ద కనిష్టాన్ని తాకింది. జూలై సిల్వర్ ఫ్యూచర్స్ రూ.334.00 (-0.48%) తగ్గి రూ.69454.00 వద్ద ట్రేడ్ అయింది. రూ.69,284.00 వద్ద ప్రారంభమైన ధర, రూ.69,485.00 వద్ద గరిష్టాన్ని, రూ.69,284.00 వద్ద కనిష్టాన్ని తాకింది.

వెండి ధరలు స్వల్పంగా తగ్గుదల

అంతర్జాతీయ మార్కెట్లో గోల్డ్ ఫ్యూచర్స్ ధరలు గతవారం భారీగా పెరిగాయి. నేడు స్వల్పంగా తగ్గాయి. నేడు 2.80 (-0.16%) డాలర్లు పెరిగి 1,777.40 డాలర్ల వద్ద కదలాడింది. నేటి సెషన్లో 1,773.45 - 1,783.95 డాలర్ల మధ్య కదలాడింది. సిల్వర్ ఫ్యూచర్స్ కూడా తగ్గింది. 0.262 (-1.00%) డాలర్లు తగ్గి 25.843 డాలర్ల వద్ద ట్రేడ్ అయింది. 26 డాలర్ల దిగువకు వచ్చింది. నేటి సెషన్లో 25.758 - 26.157 డాలర్ల మధ్య కదలాడింది.