బంగారం ధరలు రూ.45,000కు దిగువనే, వెండి రూ.300కు పైగా డౌన్

దేశీయ ఫ్యూచర్ మార్కెట్లో గోల్డ్ ఫ్యూచర్స్ ధరలు దాదాపు స్థిరంగా ఉన్నాయి. రిటైల్ మార్కెట్లో స్వల్పంగా పెరిగాయి. బెంగళూరులో 22 క్యారెట్ల పసిడి రూ.200 పెరిగి రూ.42,200 ఉండగా, 24 క్యారెట్ల బంగారం రూ.210 పెరిగి రూ.46,040 వద్ద ట్రేడ్ అయింది. హైదరాబాద్‌లో 22 క్యారెట్ల పసిడి రూ.200 తగ్గి రూ.42,200 ఉండగా, 24 క్యారెట్ల పసిడి రూ.210 తగ్గి రూ.46,040 పలికింది. ఫ్యూచర్ మార్కెట్లో బంగారం ఆల్ టైం గరిష్టంతో రూ.11,300 వరకు తక్కువగా ఉంది.

బంగారం ధరలు స్థిరంగా

గోల్డ్ ఫ్యూచర్ ధరలు శుక్రవారం ప్రారంభ సెషన్లో స్వల్పంగా క్షీణించింది. ఫ్యూచర్ మార్కెట్ మల్టీ కమోడిటీ ఎక్స్చేంజ్(MCX)లో ఏప్రిల్ గోల్డ్ ఫ్యూచర్స్ రూ.54.00 (-0.12%) క్షీణించి రూ.44897.00 వద్ద ట్రేడ్ అయింది. రూ.44,928.00 వద్ద ప్రారంభమైన ధర, రూ.44,137.00 వద్ద గరిష్టాన్ని, రూ.44,801.00 వద్ద కనిష్టాన్ని తాకింది. ఆల్ టైమ్ గరిష్టంతో రూ.11,300 తక్కువ ఉంది. జూన్ గోల్డ్ ఫ్యూచర్స్ కూడా తగ్గింది. రూ.94.00 (-0.21%) తగ్గి రూ.45215.00 వద్ద ట్రేడ్ అయింది. రూ.45,300.00 వద్ద ప్రారంభమైన ధర, రూ.45,474.00 వద్ద గరిష్టాన్ని, రూ.45,140.00 వద్ద కనిష్టాన్ని తాకింది.

వెండి రూ.358 డౌన్

వెండి ధరలు స్వల్పంగా తగ్గాయి. మార్చి సిల్వర్ ఫ్యూచర్స్ సాయంత్రం సెషన్లో కిలో రూ.341.00 (0.50%) తగ్గి రూ.67406.00 వద్ద ట్రేడ్ అయింది. రూ.67,137.00 వద్ద ప్రారంభమైన ధర, రూ.67,743.00 వద్ద గరిష్టాన్ని, రూ.67,028.00 వద్ద కనిష్టాన్ని తాకింది. జూలై సిల్వర్ ఫ్యూచర్స్ కూడా స్వల్పంగా తగ్గింది. కిలో రూ.358.00 (0.52%) తగ్గి రూ.68385.00 వద్ద ట్రేడ్ అయింది. రూ.68,256 వద్ద ప్రారంభమైన ధర, రూ.68,681 వద్ద గరిష్టాన్ని, 68,173.00 పాయింట్ల వద్ద కనిష్టాన్ని తాకింది.

అంతర్జాతీయ మార్కెట్లో స్వల్పంగా పెరుగుదల

అంతర్జాతీయ మార్కెట్లో పసిడి ధరలు స్వల్పంగా పెరిగాయి. నేటి సెషన్లో గోల్డ్ ఫ్యూచర్స్ ఔన్స్ 2.70 (+0.16%) డాలర్లు పెరిగి 1,735.20 డాలర్ల వద్ద ట్రేడ్ అయింది. ఈ సెషన్లో 1,727.10 - 1,744.45 డాలర్ల మధ్య కదలాడింది. సిల్వర్ ఫ్యూచర్స్ 26 డాలర్ల పైనే కదలాడుతోంది. ఔన్స్ ధర 0.118 (-0.45%) డాలర్లు క్షీణించి 26.233 డాలర్ల వద్ద ట్రేడ్ అయింది. నేటి సెషన్లో 25.933 - 26.398 డాలర్ల మధ్య కదలాడింది.