Gold Prices : బంగారం ధరలు ఎలా ఉన్నాయంటే?

నిన్న స్వల్పంగా తగ్గిన బంగారం ధరలు నేడు (బుధవారం (సెప్టెంబర్ 1) కూడా అదే ఒరవడిని కొనసాగించాయి. గత కొద్ది రోజులుగా బంగారం ఒత్తిడిలో ఉంది. ఈ ఏడాది చివరలో అమెరికా కేంద్ర బ్యాంకు తన అసెట్ పర్చేజ్‌ను తగ్గించాలని యోచిస్తున్నట్లు అమెరికా ఫెడ్ రిజర్వ్ చీఫ్ జెరోమ్ పోవెల్ సంకేతాలు ఇచ్చారు. ఈ ఏడాదిలోనే నెలవారీ బాండ్స్ కొనుగోలులో కోతలను ప్రారంభించవచ్చునని సంకేతాలిచ్చినప్పటికీ, సరైన గడువు తేదీ ప్రకటించకపోవడంతో సెప్టెంబర్ నెలలో జరిగే పరపతి విధాన సమావేశంలో స్పష్టత కోసం ఇన్వెస్టర్లు వేచి చూస్తుండవచ్చు.

ఈ ప్రభావం పసిడి ధరల పైన కనిపిస్తోంది. దీంతో వరుసగా ధరలు పడిపోతున్నాయి. దేశీయ ఫ్యూచర్ మార్కెట్లో నేడు 0.10 శాతం వరకు తగ్గగా, వెండి నిన్న భారీగా తగ్గి, నేడు 0.10 శాతం మేర పెరిగింది. అంతర్జాతీయ మార్కెట్లో గోల్డ్ ఫ్యూచర్ ధరలు నాలుగు వారాల గరిష్టానికి చేరుకున్నాయి. నేడు 1820 డాలర్లకు చేరుకుంది.

అక్టోబర్ గోల్డ్ ఫ్యూచర్స్ నేడు (బుధవారం) ప్రారంభ సెషన్‌లో రూ.31.00 (-0.07%) తగ్గి రూ.47089.00 వద్ద, డిసెంబర్ గోల్డ్ ఫ్యూచర్స్ రూ.42.00 (-0.09%) తగ్గి రూ.47225.00 వద్ద ట్రేడ్ అయింది. ఆల్ టైమ్ గరిష్టం రూ.56200తో బంగారం ధరలు రూ.9,000 వరకు తక్కువగా ఉన్నాయి.
సెప్టెంబర్ సిల్వర్ ఫ్యూచర్స్ రూ.83.00 (0.13%) పెరిగి రూ.62999.00 వద్ద పెరగగా, డిసెంబర్ సిల్వర్ ఫ్యూచర్స్ రూ.276.00 (-0.44%) తగ్గి రూ.63090.00 వద్ద ట్రేడ్ అయింది.

అంతర్జాతీయ మార్కెట్లో ఔన్స్ బంగారం తగ్గింది. ఇటీవల 1820 డాలర్ల పైకి చేరుకున్న గోల్డ్ ఫ్యూచర్స్ నేడు ఆ మార్కు దిగువకు వచ్చింది. గోల్డ్ ఫ్యూచర్స్ 1.60 (0.09%) డాలర్లు తగ్గి 1,816.55 డాలర్ల వద్ద ట్రేడ్ అయింది. ఇటీవల 1800 డాలర్ల దిగువకు పడిపోయిన గోల్డ్ ఫ్యూచర్స్ గతవారం ఈ మార్కును దాటింది.సిల్వర్ ఫ్యూచర్స్ 24 డాలర్లకు దిగువకు వచ్చింది. నేడు 0.163 (-0.68%) డాలర్లు తగ్గి 23.843 డాలర్ల వద్ద ట్రేడ్ అయింది.

ప్రస్తుతం బంగారం ధరలు కాస్త క్షీణించాయి. దీర్ఘకాలంలో పెట్టుబడి పెట్టాలనుకునే వారు ఇన్వెస్ట్ చేయవచ్చునని బులియన్ మార్కెట్ నిపుణులు చెబుతున్నారు. ప్రస్తుతం బంగారం ఆల్ టైమ్ గరిష్టంతో రూ.9000 వరకు తక్కువగా ఉంది. అయితే మున్ముందు పసిడి మరింత తగ్గే అవకాశాలు లేకపోలేదని అంటున్నారు. కాబట్టి షార్ట్ టర్మ్ ఇన్వెస్టర్లు ఆచితూచి వ్యవహరించాలని చెబుతున్నారు.