Gold Prices Today: బంగారం ధరలు పెరిగాయి, వెండి ధరలు తగ్గాయి

బంగారం ధరలు నేడు దాదాపు స్థిరంగా ఉన్నాయి. అయినప్పటికీ పసిడి రూ.48,000కు పైనే ఉంది. రూ.73వేలను క్రాస్ చేసి బంగారం కంటే వేగంగా దూసుకెళ్లిన వెండి మాత్రం నేడు స్వల్పంగా తగ్గి ఈ మార్కు దిగువకు వచ్చింది. అంతర్జాతీయ మార్కెట్లోను పసిడి ధరలు పెరగగా, వెండి తగ్గింది. కామెక్స్‌లో గోల్డ్ ఫ్యూచర్స్ 1875 డాలర్ల దిశగా పరుగెడుతోంది. వెండి 28 డాలర్ల పైనే ఉంది. దేశవ్యాప్తంగా, ప్రపంచవ్యాప్తంగా కరోనా కేసులు కాస్త తగ్గుముఖం పట్టడంతో బంగారంపై ఒత్తిడి తగ్గింది. దీంతో దాదాపు స్థిరంగా ఉన్నాయి.

బంగారం ధరల్లో పెరుగుదల

దేశీయ ఫ్యూచర్ మార్కెట్ మల్టీ కమోడిటీ ఎక్స్చేంజ్(MCX)లో 10 గ్రాముల జూన్ గోల్డ్ ఫ్యూచర్స్ నేటి మధ్యాహ్నం సెషన్లో రూ.73.00 (0.15%) పెరిగి రూ.48380.00 వద్ద ట్రేడ్ అయింది. రూ.48,261.00 వద్ద ప్రారంభమైన ధర, రూ.48,400.00 గరిష్టాన్ని, రూ.48,219.00 కనిష్టాన్ని తాకింది. ఆగస్ట్ గోల్డ్ ఫ్యూచర్స్ రూ.66.00 (0.14%) పెరిగి రూ.48889.00 వద్ద ట్రేడ్ అయింది. రూ.48,792.00 వద్ద ప్రారంభమై, రూ.49,919.00 గరిష్టాన్ని, రూ.48,704.00 వద్ద కనిష్టాన్ని తాకింది.

వెండి తగ్గుదల

వెండి ధరలు స్వల్పంగా తగ్గాయి. జూలై సిల్వర్ ఫ్యూచర్స్ నేడు మధ్యాహ్నం సెషన్లో రూ.374.00 (0.51%) పెరిగి రూ.72822.00 వద్ద ట్రేడ్ అయింది. రూ.72,630.00 వద్ద ప్రారంభమై, రూ.73,020.00 గరిష్టాన్ని, రూ.72,340.00 వద్ద కనిష్టాన్ని తాకింది. సెప్టెంబర్ సిల్వర్ ఫ్యూచర్స్ రూ.247.00 (-0.33%) తగ్గి రూ.73976.00 వద్ద ట్రేడ్ అయింది. రూ.73,830.00 ప్రారంభమైన ధర, రూ.74,075.00 వద్ద గరిష్టాన్ని, రూ.73,500.00 కనిష్టాన్ని తాకింది.

అక్కడా జంప్

అంతర్జాతీయ ఫ్యూచర్ మార్కెట్లోను బంగారం ధరలు స్వల్పంగా పెరిగాయి. అంతర్జాతీయ మార్కెట్లో గోల్డ్ ఫ్యూచర్స్ నేడు 3.50 (0.19%) డాలర్లు పెరిగి 1,871.50 డాలర్ల వద్ద ట్రేడ్ అయింది. నేటి సెషన్లో 1,864.80 - 1,874.40 డాలర్ల మధ్య కదలాడింది. సిల్వర్ ఫ్యూచర్స్ తగ్గింది. 0.188 (0.66%) డాలర్లు తగ్గి 28.145 డాలర్ల వద్ద ట్రేడ్ అయింది. నేటి సెషన్లో 28.003 - 28.340 డాలర్ల మధ్య కదలాడింది.