Gold rates today: భారీగా పెరిగి, స్వల్పంగా తగ్గిన బంగారం ధరలు

నిన్న భారీగా పెరిగిన బంగారం ధరలు నేడు దాదాపు స్థిరంగా ఉన్నాయి లేదా స్వల్పంగా తగ్గుముఖం పట్టాయి. దేశీయ ఫ్యూచర్ మార్కెట్ మల్టీ కమోడిటీ ఎక్స్చేంజ్(MCX)లో జూన్ గోల్డ్ ఫ్యూచర్స్ నేటి ప్రారంభ సెషన్‌లో రూ.97 క్షీణించి రూ.53,175 వద్ద, ఆగస్ట్ గోల్డ్ ఫ్యూచర్స్ రూ.115 తగ్గి రూ.53,415 వద్ద ట్రేడ్ అయింది. బంగారం ధరలు ఆల్ టైమ్ గరిష్టం రూ.56,200తో పోలిస్తే దాదాపు రూ.3000 వరకు తక్కువగా ఉంది. సిల్వర్ ఫ్యూచర్స్ నేటి సెషన్‌లో కూడా స్వల్పంగా క్షీణించింది. మే సిల్వర్ ఫ్యూచర్స్ రూ.88 తగ్గి రూ.69,888 వద్ద, జూలై సిల్వర్ ఫ్యూచర్స్ రూ.72 తగ్గి రూ.70,627 వద్ద ట్రేడ్ అయింది.

జూన్ గోల్డ్ ఫ్యూచర్స్ క్రితం సెషన్‌లో రూ.228 పెరిగి రూ.53,220 వద్ద, ఆగస్ట్ గోల్డ్ ఫ్యూచర్స్ రూ.273 పెరిగి రూ.53,500 వద్ద ముగిసింది. మే సిల్వర్ ఫ్యూచర్స్ క్రితం సెషన్‌లో రూ.58 తగ్గి రూ.69,918 వద్ద, జూలై సిల్వర్ ఫ్యూచర్స్ రూ.72 క్షీణించి రూ.70,627 వద్ద ముగిసింది.

అంతర్జాతీయ మార్కెట్ కామెక్స్‌లో గోల్డ్ ఫ్యూచర్స్ 8.90 డాలర్లు క్షీణించి 1977 డాలర్ల వద్ద, సిల్వర్ ఫ్యూచర్స్ 0.155 డాలర్లు తగ్గి 25.992 డాలర్ల వద్ద ట్రేడ్ అయింది. క్రితం సెషన్‌లో 1986 డాలర్ల వద్ద ముగిసింది. ఏడాదిలో గోల్డ్ ఫ్యూచర్స్ 10.57 శాతం మేర లాభపడింది. సిల్వర్ ఫ్యూచర్ మాత్రం ఏడాదిలో దాదాపు సమానంగా ఉంది.