Gold prices: ఆల్ టైం గరిష్టంతో రూ.8600 తక్కువగా ఉన్న పసిడి

నిన్న తగ్గిన బంగారం ధరలు నేడు (జూలై 13 మంగళవారం) ప్రారంభ సెషన్‌లో స్వల్పంగా పెరిగాయి. దేశీయ ఫ్యూచర్ మార్కెట్ మల్టీ కమోడిటీ ఎక్స్చేంజ్(MCX)లో 10 గ్రాముల ఆగస్ట్ గోల్డ్ ఫ్యూచర్స్ రూ.82.00 (0.17%) పెరిగి రూ.47856.00 వద్ద, అక్టోబర్ గోల్డ్ ఫ్యూచర్స్ రూ.70.00 (0.15%) పెరిగి రూ.48117.00 వద్ద ట్రేడ్ అయింది. బంగారం ఆల్ టైమ్ గరిష్టం రూ.56,200తో పోలిస్తే రూ.8600 తక్కువగా ఉంది.

సిల్వర్ ఫ్యూచర్ సెప్టెంబర్ రూ.123.00 (0.18%) పెరిగి రూ.69,498.00 వద్ద ట్రేడ్ అయింది. డిసెంబర్ సిల్వర్ ఫ్యూచర్ రూ.153.00 (0.22%) పెరిగి రూ.70806.00 వద్ద ట్రేడ్ అయింది. సిల్వర్ ఆల్ టైమ్ గరిష్టంతో రూ.10వేల వరకు తక్కువగా ఉంది. అంతర్జాతీయ మార్కెట్లో గోల్డ్ ఫ్యూచర్ మళ్లీ పరుగు పెడుతోంది. నేడు ప్రారంభ సెషన్లో 3.70(0.20%) డాలర్లు ఎగిసి 1809.60 డాలర్ల వద్ద ట్రేడ్ అయింది. సిల్వర్ ఫ్యూచర్స్ 0.091 (0.35%) లాభపడి 26.330 డాలర్ల వద్ద ట్రేడ్ అయింది.

అంతకుముందు సెషన్‌లో డాలర్ కాస్త సానుకూలంగా కదలాడటంతో అంతర్జాతీయ మార్కెట్లో గోల్డ్ ఫ్యూచర్స్ దాదాపు 1811 డాలర్ల నుండి 1806 డాలర్లకు తగ్గింది. నేడు డాలర్ బలహీనపడటం, యూఎస్ ఇన్‌ఫ్లేషన్ డాటా అంశాలు ప్రభావం చూపడంతో మళ్లీ 1810 డాలర్లను క్రాస్ చేసింది.