Gold Prices Today: స్థిరంగా బంగారం ధరలు, రూ.600 పెరిగిన వెండి

బంగారం, వెండి ధరలు నేడు (శుక్రవారం, 11 జూన్) స్వల్పంగా పెరిగాయి. గోల్డ్ ఫ్యూచర్స్ రూ.49,000 పైనే ట్రేడ్ కాగా, వెండి రలు రూ.72,500ను క్రాస్ చేశాయి. ఎంసీఎక్స్‌లో గోల్డ్ ఫ్యూచర్ రూ.49,200 పైకి చేరుకున్నాయి. ఇదే ఒరవడి కొనసాగితే తదిపరి రూ.49,350 నుండి రూ.49,500 స్థాయికి చేరుకోవచ్చునని మార్కెట్ నిపుణులు భావిస్తున్నారు. గత ఏడాది ఆగస్ట్ 7వ తేదీ నాటి ఆల్ టైమ్ గరిష్టం రూ.56200తో పోలిస్తే బంగారం రూ.7000 తక్కువగా ఉంది.

స్వల్పంగా బంగారం ధరలు

దేశీయ ఫ్యూచర్ మార్కెట్ మల్టీ కమోడిటీ ఎక్స్చేంజ్(MCX)లో 10 గ్రాముల ఆగస్ట్ గోల్డ్ ఫ్యూచర్స్ నేటి మధ్యాహ్నం సెషన్లో రూ.16.00 (0.03%) పెరిగి రూ.49214.00 వద్ద ట్రేడ్ అయింది. రూ.49,283.00 వద్ద ప్రారంభమైన ధర, రూ.49,399.00 వద్ద గరిష్టాన్ని తాకి, రూ.49,119.00 కనిష్టాన్ని తాకింది. అక్టోబర్ గోల్డ్ ఫ్యూచర్స్ రూ.16.00 (-0.03%) తగ్గి రూ.49470.00 వద్ద ట్రేడ్ అయింది. రూ.49,560.00 వద్ద ప్రారంభమైన ధర, రూ.49,709.00 గరిష్టాన్ని, రూ.49,470.00 వద్ద కనిష్టాన్ని తాకింది.

వెండి రూ.500 జంప్

జూలై సిల్వర్ ఫ్యూచర్స్ సాయంత్రం సెషన్లో రూ.580.00 (0.81%) పెరిగి రూ.72579.00 వద్ద ట్రేడ్ అయింది. రూ.72,249.00 వద్ద ప్రారంభమై, రూ.72,789.00 వద్ద గరిష్టాన్ని తాకి, రూ.72,249.00 వద్ద కనిష్టాన్ని తాకింది. సెప్టెంబర్ సిల్వర్ ఫ్యూచర్స్ రూ.609.00 (0.83%) పెరిగి రూ.73761.00 వద్ద ట్రేడ్ అయింది. రూ.73,500.00 వద్ద ప్రారంభమైన ధర, రూ.73,932.00 గరిష్టాన్ని, రూ.73,408.00 కనిష్టాన్ని తాకింది

అంతర్జాతీయ మార్కెట్లో...

అంతర్జాతీయ ఫ్యూచర్ మార్కెట్లో బంగారం నేడు స్వల్పంగా తగ్గగా, వెండి ధరలు స్వల్పంగా పెరిగాయి. అంతర్జాతీయ మార్కెట్లో గోల్డ్ ఫ్యూచర్స్ నేడు 6.55 (0.35%) డాలర్లు తగ్గి 1,889.85 డాలర్ల వద్ద కదలాడింది. నేటి సెషన్లో 1,891.65 - 1,906.05 డాలర్ల మధ్య కదలాడింది. సిల్వర్ ఫ్యూచర్స్ పెరిగింది. 0.152 (0.54%) డాలర్లు తగ్గి 23.183 డాలర్ల వద్ద ట్రేడ్ అయింది. నేటి సెషన్లో 28.090 - 28.442 డాలర్ల మధ్య కదలాడింది.