భారీగా పెరుగుదల, కొత్త ఏడాదిలో షాకిచ్చిన బంగారం: వెండి రూ.1500 జంప్

బంగారం ధరలు సోమవారం (జనవరి 4) భారీగా పెరిగాయి. దాదాపు రెండు వారాల పాటు రూ.50,000కు కాస్త అటుఇటుగా స్థిరంగా ఉన్న గోల్డ్ ఫ్యూచర్ ధర నేడు అమాంతం ఎగిసింది. క్రితం వారం వరకు రూ.50,000 ఉన్న పసిడి ఇప్పుడు రూ.51,000 దిశగా సాగుతోంది. బంగారంతో పాటు వెండి ధర కూడా పెరిగింది. కొత్త ఏడాదిలో పసిడి ధరలు కాస్త పెరుగుదల నమోదు చేయవచ్చునని, ఏడాది చివరికి పసిడి రూ.65,000కు, వెండి రూ.90,000 సమీపానికి చేరుకుంటుందనే బులియన్ మార్కెట్ నిపుణులు అంచనా వేస్తున్నారు.

పసిడి ఈ వారం ఎలా ఉండవచ్చు

గోల్డ్ ఫ్యూచర్ కాంట్రాక్ట్ ఈ వారం రూ.50,407 కంటే ఎక్కువ ట్రేడ్ అయితే సానుకూల ధోరణి కొనసాగే అవకాశాలు ఉన్నాయని చెబుతున్నారు. 50,050 దిగువకు వస్తే దిద్దుబాటుకు గురవుతుందని అంటున్నారు. రూ.51,889 నిరోధకస్థాయి, రూ.49,100కు దిగువన మద్దత ధర. ఎంసీఎక్స్ బుల్ డెక్స్ జనవరి కాంట్రాక్ట్ ఈ వారం రూ.15,564 కంటే దిగువకు రాకుంటే రూ.15,832, రూ.15,975 వరకు రాణించే అవకాశాలు ఉన్నాయని చెబుతున్నారు.

స్వల్పంగా పెరిగిన బంగారం

నేడు ఎంసీఎక్స్‌లో ఫిబ్రవరి గోల్డ్ ఫ్యూచర్స్ రూ.545.00 (1.08%) పెరిగి రూ.50789.00 వద్ద ట్రేడ్ అయింది. రూ.50,300.00 వద్ద ప్రారంభమైన ధర, రూ.50,892.00 వద్ద గరిష్టాన్ని, రూ.50,300.00 వద్ద కనిష్టాన్ని తాకింది. ఆల్ టైమ్ గరిష్టం రూ.56200తో రూ.5400 వరకు తక్కువగా ఉంది.

ఏప్రిల్ గోల్డ్ ఫ్యూచర్స్ రూ.521.00 (1.04%)పెరిగి రూ.50,817.00 వద్ద ట్రేడ్ అయింది. రూ.50,550.00 వద్ద ప్రారంభమైన ధర, రూ.50,865.00 వద్ద గరిష్టాన్ని, రూ.50,550.00 వద్ద కనిష్టాన్ని తాకింది.

వెండి అతి స్వల్పంగా

కిలో సిల్వర్ ఫ్యూచర్స్ మార్చి 1,447.00 (2.12%) పెరిగి రూ.69570.00 వద్ద ట్రేడ్ అయింది. రూ.68,499.00 వద్ద ప్రారంభమై, రూ.70,259.00 వద్ద గరిష్టాన్ని, రూ.68,499.00 వద్ద కనిష్టాన్ని తాకింది. బంగారం ధర ప్రారంభంలోనే రూ.70,000 దాటింది.

మే సిల్వర్ ఫ్యూచర్స్ మాత్రం స్వల్పంగా క్షీణించింది. రూ.1,409.00 (2.04%) క్షీణించి రూ.70477.00 వద్ద ట్రేడ్ అయింది.

రూ.70,667.00 వద్ద ప్రారంభమైన ధర, రూ.70,667.00 వద్ద గరిష్టాన్ని, రూ.70,667.00 వద్ద కనిష్టాన్ని తాకింది.

అంతర్జాతీయ మార్కెట్లో 1900 క్రాస్

కొత్త ఏడాది 2021లో అంతర్జాతీయ మార్కెట్లో పసిడి ఫ్యూచర్స్ 1900 డాలర్లు క్రాస్ చేసింది. గోల్డ్ ఫ్యూచర్స్ ఔన్స్ 30.65 (+1.62%) డాలర్లు పెరిగి 1,925.75 డాలర్లు పలికింది. నేటి సెషన్లో 1,908.25 - 1,929.05 డాలర్ల మధ్య కదలాడింది. ఏడాదిలో పసిడి ధర 21.47% శాతం పెరిగింది.

సిల్వర్ ఫ్యూచర్స్ కూడా పెరిగింది. ఔన్స్ ధర 0.771 (+2.92%) డాలర్లు పెరిగి 27.183 డాలర్ల వద్ద ముగిసింది. నేటి సెషన్లో 26.802 - 27.330 డాలర్ల మధ్య కదలాడింది. ఏడాదిలో 48.5 శాతం పెరిగింది.