భారీగా పెరిగిన బంగారం ధరలు, రెండ్రోజుల్లో రూ.800 జంప్: రూ.70వేలు దాటిన వెండి

గతవారం భారీగా తగ్గి 46,000 స్థాయికి వచ్చిన గోల్డ్ ఫ్యూచర్స్ మళ్లీ పెరుగుతోంది. వరుసగా మూడు సెషన్లుగా పసిడి పైపైకి చేరుకుంటోంది. ఓ సమయంలో రూ.46వేల దిగువకు చేరుకున్నప్పటికీ ఇప్పుడు మళ్లీ రూ.47వేల దిశగా కనిపిస్తోంది. మంగళవారం ఉదయం పసిడి స్వల్పంగా పెరిగింది. నిన్న (సోమవారం) భారీగా పసిడి, వెండి ధరలు భారీగా పెరిగాయి. ఏప్రిల్ గోల్డ్ ఫ్యూచర్స్ రూ.703.00 (1.52 శాతం) పెరిగి రూ.46,900 వద్ద, జూన్ గోల్డ్ ఫ్యూచర్స్ రూ.699.00 (1.51 శాతం) లాభపడి రూ.47,039 వద్ద ముగిసింది. సిల్వర్ ధరలు కూడా భారీగానే పెరిగాయి. నిన్న మార్చి సిల్వర్ ఫ్యూచర్స్ రూ.1,453.00 (2.11%) పెరిగి రూ.70,465.00 వద్ద, మే ఫ్యూచర్స్ రూ.1,466.00 (2.09%) పెరిగి రూ.71,625.00 వద్ద ముగిసింది.

రూ.47,000 దిశగా బంగారం

ఫ్యూచర్ మార్కెట్ మల్టీ కమోడిటీ ఎక్స్చేంజ్(MCX)లో బంగారం ధర నేడు ప్రారంభ సెషన్లో స్వల్పంగా పెరిగింది. ఏప్రిల్ గోల్డ్ ఫ్యూచర్స్ రూ.71.00 (0.15%) పెరిగి రూ.46,972.00 వద్ద ట్రేడ్ అయింది. రూ.46,973.00 వద్ద ప్రారంభమైన ధర, రూ.46,973.00 వద్ద గరిష్టాన్ని, రూ.46,909.00 వద్ద కనిష్టాన్ని తాకింది. ఆల్ టైమ్ గరిష్టంతో రూ.9,400 తక్కువ ఉంది. రెండు రోజుల్లో రూ.800కు పైగా పెరిగింది. జూన్ గోల్డ్ ఫ్యూచర్స్ రూ.78.00 (0.17%)పెరిగి రూ.47,100 వద్ద ట్రేడ్ అయింది. రూ.47,077.00 వద్ద ప్రారంభమైన ధర, రూ.47,100.00 వద్ద గరిష్టాన్ని, రూ.47,077.00 వద్ద కనిష్టాన్ని తాకింది.

రూ.70వేలు దాటిన వెండి

వెండి ధరలు కూడా వరుసగా పెరిగి రూ.70,500ను క్రాస్ చేశాయి. మార్చి సిల్వర్ ఫ్యూచర్స్ కిలో రూ.130.00 (0.18%) పెరిగి రూ.70,562.00 వద్ద ట్రేడ్ అయింది. రూ.70,675.00 వద్ద ప్రారంభమైన ధర, రూ.70,675.00 వద్ద గరిష్టాన్ని, రూ.70,513.00 వద్ద కనిష్టాన్ని తాకింది.

మే సిల్వర్ ఫ్యూచర్స్ కిలో రూ.132.00 (0.18%) పెరిగి రూ.71710.00 వద్ద ట్రేడ్ అయింది. రూ.71,660.00 వద్ద ప్రారంభమైన ధర, రూ.71,778.00 వద్ద గరిష్టాన్ని, రూ.71,694.00 వద్ద కనిష్టాన్ని తాకింది.

1800 డాలర్లు దాటిన పసిడి

అంతర్జాతీయ మార్కెట్లో పసిడి ధరలు మళ్లీ 1800 డాలర్లు దాటింది. ఉదయం సెషన్లో గోల్డ్ ఫ్యూచర్స్ ఔన్స్ 2.75 (+0.15%) డాలర్లు పెరిగి 1811.15 డాలర్ల వద్ద ట్రేడ్ అయింది. ఈ సెషన్లో 1,805.85 - 1,815.05 డాలర్ల మధ్య కదలాడింది. ఏడాదిలో పసిడి ధర 8.32 శాతం తగ్గింది. సిల్వర్ ఫ్యూచర్స్ కూడా పెరిగింది. ఔన్స్ ధర 0.122 (+0.43%) డాలర్లు పెరిగి 28.207 డాలర్ల వద్ద ట్రేడ్ అయింది. నేటి సెషన్లో 28.050 - 28.422 డాలర్ల మధ్య కదలాడింది.