ఇన్వెస్టర్ల ప్రాఫిట్ బుకింగ్ ఎఫెక్ట్, రూ.600 తగ్గిన బంగారం ధర

ముంబై: బంగారం ధరలు నేడు భారీగా తగ్గాయి. నిన్న రూ.50వేలకు పైగా ఎగిసిన పసిడి ధరలు నేడు ఈ రోజు రూ.49,600 దిగువకు వచ్చాయి. ఆల్ టైం గరిష్టం రూ.56,200తో రూ.6,700 వరకు తక్కువగా ఉంది. అంతకుముందు వరుసగా మూడు వారాలు పసిడి ధరలు తగ్గి, రూ.48,000 దిగువకు వచ్చాయి. ఇప్పుడు గత వారం రోజులుగా పెరుగుతున్నాయి. అయితే నేడు మళ్లీ పతనమయ్యాయి. వెండి ధరలు కూడా రూ.1100కు పైగా క్షీణించాయి. అంతర్జాతీయ మార్కెట్లోను పసిడి, సిల్వర్ ధరలు తగ్గాయి.

బంగారం రూ.580 వరకు డౌన్

దేశీయ ఫ్యూచర్ మార్కెట్ మల్టీ కమోడిటీ ఎక్స్చేంజ్ (MCX)లో 10 గ్రాములు పసిడి ధర (ఫిబ్రవరి ఫ్యూచర్స్) నేడు రూ.579.00 (-1.16%) క్షీణించి రూ.49530.00 వద్ద ట్రేడ్ అయింది. రూ.49,850.00 వద్ద ప్రారంభమై, రూ.49,886.00 వద్ద గరిష్టాన్ని, రూ.49,160.00 వద్ద కనిష్టాన్ని తాకాయి.

ఏప్రిల్ ఫ్యూచర్స్ రూ.443.00 (-0.88%) క్షీణించి రూ.49686.00 వద్ద ట్రేడ్ అయ్యాయి. రూ.49,908.00 ప్రారంభమై, రూ.49,970.00 వద్ద గరిష్టాన్ని, రూ.49,360.00 వద్ద కనిష్టాన్ని తాకాయి.

వెండి వెయ్యికి పైగా తగ్గుదల

ఇక వెండి ధరలు మార్చి ఫ్యూచర్స్ కిలో రూ.1,103.00 (-1.69%) తగ్గి రూ.64089.00 వద్ద ట్రేడ్ అయింది. రూ.64,521.00 వద్ద ప్రారంభమై, రూ.64,804.00 వద్ద గరిష్టాన్ని, రూ.63,483.00 కనిష్టాన్ని తాకింది.

మే ఫ్యూచర్స్ రూ.1,094.00 (-1.66%) తగ్గి రూ.64816.00 వద్ద ట్రేడ్ అయింది. రూ.65,209.00 వద్ద ప్రారంభమై, రూ.65,614.00 వద్ద గరిష్టాన్ని, రూ.64,350.00 వద్ద కనిష్టాన్ని తాకింది.

ధరలు తగ్గడానికి కారణాలివే..

అంతర్జాతీయ మార్కెట్లో గోల్డ్ ఫ్యూచర్స్ ఔన్స్ -30.35 (-1.62%)డాలర్లు తగ్గి 1,844.65 డాలర్ల వద్ద ట్రేడ్ అయింది. నేటి సెషన్లో 1,841.15 - 1,875.40 డాలర్ల మధ్య కదలాడింది. ఏడాదిలో పసిడి 25.56% పెరిగింది.

వెండి ఫ్యూచర్స్ ఔన్స్ 0.594 (-2.40%) క్షీణించి 24.142 డాలర్ల వద్ద ట్రేడ్ అయింది. నేటి సెషన్లో 24.058 - 24.740 డాలర్ల మధ్య కదలాడింది. ఏడాదిలో ధర 46.52% పెరిగింది.

కరోనా కేసులు తగ్గడం, ఆర్థిక కార్యకలాపాలు పెరుగుతుండటానికి తోడు ప్రధానంగా వ్యాక్సీన్ సానుకూల ప్రకటనలు బంగారంపై ఒత్తిడిని తగ్గించాయి. ఫైజర్ కరోనా వ్యాక్సీన్‌కు అమెరికా అనుమతివ్వడంతో ఈక్విటీ మార్కెట్లు పుంజుకొని, పసిడి మార్కెట్ క్షీణించింది. ఈ ప్రకటన నేపథ్యంలో ఇన్వెస్టర్లు ప్రాఫిట్ బుక్ చేస్తున్నారు. దీంతో ఒత్తిడి పెరిగింది. అలాగే ఆర్థిక ప్యాకేజీపై కదలిక కూడా పసిడిపై ప్రభావం చూపింది.