భారీగా పెరిగిన బంగారం ధర, రూ.770 జంప్: వెండి ధరలు రూ.1700 అప్

నిన్న భారీగా తగ్గిన బంగారం, వెండి ధరలు ఈ రోజు మళ్లీ పెరిగాయి. నిన్న పసిడి (డిసెంబర్ ఫ్యూచర్) ధర ఏకంగా రూ.2,502.00 (4.80%) తగ్గి రూ.49665.00 వద్ద, ఫిబ్రవరి ఫ్యూచర్స్ రూ.2,487.00 (4.75%) రూ.49850.00 వద్ద ముగిసింది. ఆల్ టైమ్ గరిష్టం రూ.56,200 నుండి పసిడి ధరలు ఇప్పటికీ రూ.5700 తక్కువగా ఉంది. వెండి ఆల్ టైమ్ గరిష్టం రూ.79వేలతో రూ.17వేల వరకు తక్కువగా ఉంది. దేశీయ, అంతర్జాతీయ ఫ్యూచర్ మార్కెట్లో పసిడి1.5 శాతం, వెండి ఫ్యూచర్ 2.90 శాతం పెరిగింది.

రూ.770 పెరిగిన బంగారం

దేశీయ ఫ్యూచర్ మార్కెట్ మల్టీ కమోడిటీ ఎక్స్చేంజ్ (MCX)లో నేడు (నవంబర్ 10వ తేదీ) సాయంత్రం గం.9 సమయానికి 10 గ్రాముల డిసెంబర్ గోల్డ్ ఫ్యూచర్స్ రూ.770.00 (1.55%) పెరిగి రూ.50,518.00 వద్ద ట్రేడ్ అయింది. రూ.49,931.00 వద్ద ప్రారంభమై, రూ.50,664.00 వద్ద గరిష్టాన్ని తాకి, రూ.49,931.00 వద్ద కనిష్టాన్ని తాకింది.

ఫిబ్రవరి ఫ్యూచర్స్ రూ.758.00 (1.52%) పెరిగి రూ.50,651.00 వద్ద ట్రేడ్ అయింది. 10 గ్రాముల ధర రూ.50,383.00 వద్ద ప్రారంభమై, రూ.50,721.00 వద్ద గరిష్టాన్ని తాకి, రూ.50,216.00 వద్ద కనిష్టాన్ని తాకింది.

రూ.1700కు పైగా పెరిగిన వెండి

వెండి ధర కూడా భారీగానే పెరిగింది. డిసెంబర్ సిల్వర్ ఫ్యూచర్స్ ఒక కిలో రూ.1,760.00 (2.89%) పెరిగి రూ.62,614.00 వద్ద ట్రేడ్ అయింది. రూ.61,900.00 వద్ద ప్రారంభమైన ధర, రూ.62,874.00 వద్ద గరిష్టాన్ని, రూ.61,443.00 వద్ద కనిష్టాన్ని తాకింది.

మార్చి సిల్వర్ ఫ్యూచర్స్ కిలో రూ.1,797.00 (2.87%) పెరిగి రూ.64,400.00 వద్ద ట్రేడ్ అయింది. రూ.63,900.00 ప్రారంభమైన ధర, రూ.64,547.00 గరిష్టాన్ని తాకి, రూ.63,247.00 కనిష్టాన్ని తాకింది.

అంతర్జాతీయ మార్కెట్లోను జంప్

అంతర్జాతీయ మార్కెట్లోను ధరలు పెరిగాయి. కామెక్స్‌లో గోల్డ్ ఫ్యూచర్స్ 1.25 శాతం పెరిగి ఔన్స్ ధర 1,877 డాలర్ల వద్ద ట్రేడ్ అయింది. 1,859.60 - 1,888.40 డాలర్ల మధ్య ట్రేడ్ అయింది. క్రితం సెషన్లో 1,854.40 డాలర్ల వద్ద ముగిసింది. ఏడాదిలో గోల్డ్ ఫ్యూచర్స్ 25 శాతం పెరిగింది.

సిల్వర్ ఫ్యూచర్స్ ఔన్స్ ధర 2.79 శాతం పెరిగి 24.363 డాలర్ల వద్ద ట్రేడ్ అయింది. 23.955 - 24.508 డాలర్ల మధ్య ట్రేడ్ అయింది. క్రితం సెషన్‌లో 23.701 డాలర్ల వద్ద ముగిసింది. ఈ ఏడాది 43.64 శాతం మేర పెరిగింది.