రూ.44,000 దిగువకు.. భారీగా పడిపోయిన బంగారం, వెండి ధరలు: ఆ ధరతో రూ.12,400 తక్కువ

బంగారం ధరలు నేడు (సోమవారం, మార్చి 29) భారీగా తగ్గాయి. దేశీయ ఫ్యూచర్ మార్కెట్ మల్టీ కమోడిటీ ఎక్స్చేంజ్(MCX)లో పది గ్రాముల పసిడి ఏకంగా 1.8 శాతం క్షీణించి రూ.44,000 దిగువకు పడిపోయింది. వెండి ధరలు కూడా రూ.700కు పైగా క్షీణించి రూ.64,000 స్థాయికి వచ్చాయి. అంతర్జాతీయ మార్కెట్లో భారీగానే తగ్గాయి. అయినప్పటికీ 1700 డాలర్లకు పైనే ఉంది. వెండి ఔన్స్ ధర 24వేల డాలర్ల స్థాయిలోనే కదలాడుతోంది. గత కొద్దివారాలుగా రూ.45,000కు దిగువనే ఉన్న పసిడి ధరలు, ఇప్పుడు రూ.44 వేల దిగువకు కూడా వచ్చాయి. ఆల్ టైమ్ గరిష్టంతో రూ.12,400 తక్కువగా ఉంది.

భారీగా తగ్గిన పసిడి

గోల్డ్ ఫ్యూచర్ నేడు (మార్చి 29, 2020) సాయంత్రం సెషన్‌లో ఉదయం కంటే మరింతగా క్షీణించింది. ఫ్యూచర్ మార్కెట్ మల్టీ కమోడిటీ ఎక్స్చేంజ్ (MCX)లో ఏప్రిల్ గోల్డ్ ఫ్యూచర్స్ రూ.792.00 (-1.77%) క్షీణించి రూ.43850.00 వద్ద ట్రేడ్ అయింది. రూ.44,520.00 వద్ద ప్రారంభమైన ధర, రూ.44,550.00 వద్ద గరిష్టాన్ని, రూ.43,732.00 వద్ద కనిష్టాన్ని తాకింది. ఆల్ టైమ్ గరిష్టంతో రూ.12,600 తక్కువ ఉంది. జూన్ గోల్డ్ ఫ్యూచర్స్ రూ.361.00 (-0.80%) తగ్గి రూ.44750.00 వద్ద ట్రేడ్ అయింది. రూ.44,972.00 వద్ద ప్రారంభమైన ధర, రూ.45,060.00 వద్ద గరిష్టాన్ని, రూ.44,600.00 వద్ద కనిష్టాన్ని తాకింది.

రూ.700 తగ్గిన వెండి ధర

వెండి ధరలు నేడు సాయంత్రం సెషన్లో రూ.700కు పైగా తగ్గాయి. మే సిల్వర్ ఫ్యూచర్స్ కిలో రూ.721.00 (-1.11%) తగ్గి రూ.64084.00 వద్ద ట్రేడ్ అయింది. రూ.64,311.00 వద్ద ప్రారంభమైన ధర, రూ.64,620.00 వద్ద గరిష్టాన్ని, రూ.63,700.00 వద్ద కనిష్టాన్ని తాకింది. జూలై సిల్వర్ ఫ్యూచర్స్ కూడా తగ్గింది. కిలో రూ.728.00 (-1.11%) తగ్గి రూ.64954.00 వద్ద ట్రేడ్ అయింది. రూ.65,400.00 వద్ద ప్రారంభమైన ధర, రూ.65,527.00 వద్ద గరిష్టాన్ని, రూ.64,601.00 వద్ద కనిష్టాన్ని తాకింది.

27 డాలర్లు తగ్గిన పసిడి

అంతర్జాతీయ మార్కెట్లో పసిడి ధరలు భారీగా క్షీణించాయి. గోల్డ్ ఓ సమయంలో 27 డాలర్ల వరకు పడిపోయింది. ఈ వార్త రాసే సమయానికి ఫ్యూచర్స్ ఔన్స్ 18.35 (-1.06%) డాలర్లు తగ్గి 1,713.95 డాలర్ల వద్ద ట్రేడ్ అయింది. ఈ సెషన్లో 1,705.75 - 1,733.95 డాలర్ల మధ్య కదలాడింది. సిల్వర్ ఫ్యూచర్స్ 25 డాలర్ల దిగువకు వచ్చింది. ఔన్స్ ధర 0.396

(-1.58%) డాలర్లు తగ్గి 24.707 డాలర్ల వద్ద ట్రేడ్ అయింది. నేటి సెషన్లో 24.483 - 25.145 డాలర్ల మధ్య కదలాడింది.